ఫిలిం నగర్ కల్చరల్ సెంటర్ జిమ్ లో విజయ్ దేవరకొండ
ఫిలిం నగర్ కల్చరల్ సెంటర్లో ఈరోజు హీరో విజయ్ దేవరకొండ సందడి చేశారు . కల్చరల్ సెంటర్లో నూతనంగా ఏర్పాటుచేసిన జిమ్ స్పోర్ట్స్ సెంటర్ ను ఆయన ప్రారంభించాడు . హైదరాబాద్ ఫిలిం నగర్లో వున్న కల్చరల్ సెంటర్ ఇవ్వాళ దక్షిణ భారత దేశంలోనే ప్రధమ స్థానంలో ఉందని అధ్యక్షుడు డాక్టర్ కె.ఎల్. నారాయణ చెప్పారు .సభ్యుల సౌకర్యం కోసం ఎప్పటికప్పుడు అధునాతన సౌకర్యాలను కల్పిస్తున్నామని నారాయణ తెలిపారు . విజయ్ దేవరకొండ నటించిన “డియర్ కామ్రేడ్ ” సినిమా విజయవంతమైన సందర్భంగా నారాయణ శుభాకాంక్షలు తెలిపారు .
అధునాతన సౌకార్యాలతో ఏర్పాటుచేసిన స్పోర్ట్స్ సెంటర్ ను ప్రారంభిండం తనకి సంతోషంగా ఉందని , ఇక్కడికి వచ్చిన తరువాత నూతనంగా ఏర్పాటుచేసిన జిమ్ ఎంతో బాగుందని విజయ్ చెప్పారు . సినిమా రంగంలో తానుకూడా భాగస్వామిగా వున్నందుకు ఎంతో ఆనందంగా ఉందని , కల్చరల్ సెంటర్లో వున్న ఈ సౌకర్యాలను సభ్యులంతా ఉప యోగిస్తారని ఆశిస్తున్నాను అన్నారు .విజయ్ దేవరకొండ కోసం వచ్చిన యువతీ యువకులతో విజయ్ ఫోటోలు తీయించుకున్నారు . ఈ కార్యక్రమంలో డాక్టర్ కె.ఎల్ నారాయణ, కె.ఎస్ రామారావు ,రాజశేఖర్ రెడ్డి , తుమ్మల రంగ రావు, మోహన్ ముళ్ళపూడి , కిషోర్ , నాగ సుష్మ, శైలజ,సురేష్ కొండేటి , భగీరథ, జి. సాంబశివరావు, జి. సురేష్, సుందర రాజా , సుధాకర్ మొదలైన వారు పాల్గొన్నారు .