వెంకీ మామ కొత్త పోస్ట‌ర్ అద‌ర‌హో
ప‌ట్టు పంచె.. త‌ళ‌త‌ళ మెరిసే మెరూన్ కుర్తా.. భుజాల‌పైన జెరీ అంచు కండువా.. నీటుగా దువ్విన త‌ల‌క‌ట్టు.. క‌ళ్ల‌కు కాఫీ రంగు చ‌లువ క‌ళ్ల‌ద్దాలు.. అదిరిపోయే చిరున‌వ్వుతో ఆ లుక్కే వేరు మామా. ప‌ల్లెటూరు జాత‌ర‌లో మామా అల్లుళ్ల సంద‌డి క‌న్నుల పండుగ‌గా ఉంది క‌దూ? మామ భుజంపై అల్లుడు.. అల్లుడి భుజంపై మామ చెయ్యేసి అలా జాత‌ర‌లో న‌డిచొస్తుంటే చూసేందుకు రెండు క‌ళ్లు చాల‌వేమో.
వినాయక చవితి సందర్భంగా వెంకీ మామ సినిమా నుంచి కొత్త స్టిల్ ని రిలీజ్ చేసింది చిత్ర‌బృందం. విక్టరీ వెంకటేష్, అక్కినేని నాగచైతన్య క‌థానాయ‌కులుగా తెర‌కెక్కుతున్న మల్టీస్టారర్ ప్ర‌స్తుతం హాట్ టాపిక్. వినాయక చవితి సందర్భంగా శుభాకాంక్షలు చెబుతూ రిలీజ్ చేసిన ఈ పోస్ట‌ర్ అభిమానుల్లోకి దూసుకెళుతోంది. ఈ చిత్రంలో రాశీఖన్నా, పాయల్ రాజ్‌పుత్ నాయిక‌లుగా న‌టిస్తున్నారు. బాబీ దర్శకత్వం లో సురేష్ ప్రొడక్షన్స్, పీపుల్ మీడియా ఫ్యాక్టరీ సంయుక్తంగా నిర్మిస్తున్నాయి. అనూప్ రూబెన్స్ సంగీతం సమకూరుస్తున్నారు. త‌దుప‌రి ప్ర‌చారంలో వేగం పెంచనున్నార‌ని స‌మాచారం. టీజ‌ర్ లో మామా అల్లుళ్ల సంద‌డి ఇంకెంత ఇదిగా ఉంటుందో చూడాలి.