వేడెక్కించే సీన్స్ నా వల్ల కాదు!-ప్రియమణి
జాతీయ అవార్డ్ గ్రహీత ప్రియమణి పెళ్లి తరువాత బుల్లితెరకు అంకితమైన సంగతి తెలిసిందే. టీవీ రియాలిటీ షోలతోనే కాలక్షేపం చేస్తోంది. క్రేజ్ తగ్గడంతో సినిమాలు తగ్గిపోయాయి. టాలీవుడ్ లో క్రేజు లేదు. తమిళ, కన్నడ భాషల్లో అరకొర సినిమాలతో సరిపెట్టుకోవాల్సొచ్చింది. దీంతో బుల్లితెరను ఆశ్రయించింది. పనిలో పనిగా వెబ్ సిరీస్ దారిని వెతుక్కుంది. ప్రియమణి తాజాగా డిజిటల్ ప్రపంచంలోకి ఎంటరైంది. బాలీవుడ్ వెర్సటైల్ యాక్టర్ మనోజ్ బాజ్పాయ్ నటించిన లేటెస్ట్ వెబ్ సిరీస్ `ది ఫ్యామిలీ మ్యాన్` సిరీస్ తో ప్రియమణి వెబ్ దునియాలోకి ఎంటరైంది. మొత్తానికైతే డిజిటల్ ప్రపంచంలోకి ప్రవేశించాను కానీ నాకంటూ కొన్ని నియమనిబంధనలు ఉన్నాయని చెబుతోంది.
నాకు నేనుగా సెక్సువల్ కంటెంట్ వున్న వెబ్ సిరీస్లలో నటించను. అలాంటివి నా లాంటి వారికి సరిపోవు. ఫ్యామిలీ ఆడియన్స్ అంగీకరించరు. అందుకే అలాంటి పాత్రలకు దూరంగా వుండాలనుకుంటున్నాను అని తెలిపింది. తనకు మాత్రమే సూటయ్యే విభిన్నమైన పాత్రల్లో మాత్రమే నటించడానికి సిద్ధంగా వున్నానని, అలా కాకుండా వల్గర్ పాత్రల్లో నటించమంటే నటించనని కచ్చితంగా చెప్పేస్తానని చెబుతోంది. ఈ శుక్రవారం అమెజాన్ ప్రైమ్లో విడుదలైన `ది ఫ్యామిలీ మ్యాన్`లో సుచిత్ర అనే హౌజ్ వైఫ్గా నటించానని, మిడిల్ ఏజ్డ్ మధ్య తరగతి యువతిగా నా పాత్ర ఆకట్టుకుంటుందని చెప్పుకొచ్చింది. బాలీవుడ్ లో ప్రముఖ ఈవెంట్ మేనేజర్ గా పాపులరైన ముస్తఫా రాజ్ ని ప్రియమణి ప్రేమించి పెళ్లి చేసుకున్న సంగతి తెలిసిందే.