ప్ర‌భాస్ – అనుష్క లాస్ ఏంజెల్స్‌లో సొంతిల్లు?
ప్ర‌భాస్ – అనుష్క వెండితెర‌పై హిట్‌ పెయిర్ గా పాపుల‌ర్. బిల్లా, మిర్చి, బాహుబలి 1, 2 చిత్రాల్లో నటించారు. ఆ క్ర‌మంలోనే ఆ జంట మ‌ధ్య ఎఫైర్ సాగుతోందంటూ ప్ర‌చార‌మైంది. స్వీటీని ప్ర‌భాస్ పెళ్లి చేసుకోబోతున్నాడ‌ని ఇప్ప‌టికీ అభిమానుల్లో ప్ర‌చారం ఉంది. మ‌రోవైపు ఈ జంట గురించి తెలుగు మీడియా కంటే ఉత్త‌రాది మీడియాలో ఎక్కువ ఆస‌క్తి నెల‌కొంది. అక్క‌డ తామ‌ర‌తంప‌ర‌గా ఈ జంట ప్రేమాయ‌ణంపై వార్త‌లు వ‌స్తూనే ఉన్నాయి.
తాజాగా ప్ర‌ఖ్యాత ముంబై మిర్ర‌ర్ ప్ర‌చురించిన క‌థ‌నం సంచ‌ల‌న‌మైంది. ప్ర‌భాస్- అనుష్క జంట ప్ర‌స్తుతం లాస్ ఏంజెల్స్ (అమెరికా)లో సొంతంగా ఇల్లు కొనుక్కునే ప్లాన్ చేస్తున్నార‌ని ఈ క‌థ‌నం పేర్కొంది. ప్ర‌స్తుతం ఈ జంట సొంత అపార్ట్‌మెంట్ కోసం సెర్చింగ్‌లో ఉన్నార‌ని ప్ర‌చురిత‌మైంది. అయితే ఇది కేవ‌లం రూమ‌ర్ మాత్ర‌మేనా? లేక అందులో నిజం ఉందా? అన్న‌ది పైవాడికే తెలియాలి. మేమిద్దరం కేవ‌లం స్నేహితులు మాత్ర‌మేన‌ని ప్ర‌భాస్- అనుష్క చెబుతుంటారు. మ‌రి ముంబై మీడియాలో ఇలా ప్ర‌చారం సాగుతోంది.
మ‌రోవైపు ప్ర‌భాస్ కి అమెరికా సంబంధం కుదిర్చేందుకు పెద‌నాన్న రెబ‌ల్ స్టార్ కృష్ణం రాజు స‌న్నాహాల్లో ఉన్నార‌న్న ప్ర‌చారం ఉంది. మ‌రి ఈ రెండు వార్త‌ల్లో ఏది న‌మ్మాలి? అన్న‌ది జ‌నాల విజ్ఞ‌త‌కే వ‌దిలేయాలి. ప్ర‌భాస్ న‌టించిన భారీ యాక్ష‌న్ చిత్రం సాహో ఆగ‌స్టు 30న ప్ర‌పంచ‌వ్యాప్తంగా రిలీజ‌వుతోంది. ఈ సినిమా ప్ర‌చారంలో ప్ర‌భాస్ బిజీ. హిందీలోనూ సాహోని భారీగా రిలీజ్ చేస్తున్నారు కాబ‌ట్టి డార్లింగ్ పై ఉత్త‌రాది మీడియా మ‌రీ టూమ‌చ్ గా ప్ర‌చారం చేసేస్తోంది. ముఖ్యంగా గాసిప్పులు వండి వార్చ‌డంలో వాళ్లు మ‌హా దిట్ట.