ఆర్ఎక్స్ 100 చిత్రం ఎంత పెద్ద హిట్ అయినా బిజీ కాకుండా మిగిలింది హీరోయిన్ పాయల్ రాజ్ పుత్ . అయితే తన క్యారక్టర్స్ విషయంలో ఆచి తూచి వెళ్దామనుకున్న ఆమెకు అన్నీ గ్లామర్ రోల్సే వస్తున్నాయి. కానీ తన ఆలోచనకు తగ్గ పాత్ర ఒకటీ రావటం లేదట. అయితే తాజాగా రవితేజ స‌ర‌స‌న చేయిటానికి గ్రీన్ సిగ్నల్ ఇచ్చిందిట.ఆమెను రవితేజ రికమెండ్ చేసారని సమాచారం. ఆర్ ఎక్స్ 100 చిత్రం చూసిన ఆయన ..పాయిల్ రాజ్ పుత్ ..నటనకు ఫిధా అయ్యిపోయాడట.వెంటనే ఆమె గురించి ఎంక్వైరీ చేసి..వేషం ఇచ్చాడట.
సాధారణంగా కమర్షియల్ సినిమాల్లో హీరోయిన్ అంటే పెద్దగా చేయటానికి ఏమీ ఉండదు. హీరోతో ప్రేమ కబుర్లు చెప్పటం..అతని కోసం పరితపించటం..ఫైనల్ గా పాటల్లో స్టెప్స్ వేయటం. అయితే రవితేజ తాజా చిత్రంలో ఈమెకు మంచి క్యారక్టర్ దొరికిందిట.
‘ఎక్కడికి పోతావు చిన్నవాడా , ఒక్క క్షణం ‘చిత్రాల దర్శకుడు వి .ఐ ఆనంద్ త్వ‌ర‌లో ర‌వితేజ‌తో ఈ మూవీ ప్లాన్ చేశాడు. నేల టికెట్టు’ నిర్మాత రవి తాళ్లూరి నిర్మించనున్న ఈ చిత్రానికి డిస్కో రాజా అనే టైటిల్ పరిశీలనలో ఉండ‌గా, ఇందులో ద్విపాత్రిభిన‌యం పోషించ‌నున్నాడ‌ట మాస్ రాజా. అందులో ఒకటి కొడుకు పాత్ర కాగా మరొకటి తండ్రి పాత్ర అని తెలుస్తుంది .
అయితే ముగ్గురు హీరోయిన్లుకు ప్రాధాన్యం వున్న ఈ చిత్రంలో ‘నన్ను దోచుకుందువటే’ ఫేమ్ నాబా నటేష్ ను మరొక హీరోయిన్ గా ఎంపిక చేశారు. మ‌రో హీరోయిన్‌గా ఆర్ఎక్స్ 100 భామ పాయ‌ల్‌ని ఎంపిక చేసారు.అడ్వెంచర్ మూవీగా ఈ సినిమా రూపొందుతుంది. వి.ఐ.ఆనంద్ గత చిత్రాల తరహాలోనే ఈ సినిమా డిఫరెంట్ గా ఉండబోతోంది.
డిసెంబ‌ర్ నుండి సెట్స్ పైకి వెళ్ల‌నున్న ఈ చిత్రంలో సునీల్ కూడా ముఖ్య పాత్ర పోషించ‌నున్నాడ‌ని అంటున్నారు. థ‌మ‌న్ చిత్రానికి సంగీతం అందిస్తాడ‌ని అంటున్నారు.