పింక్ రీమేక్ తో పవన్ తిరిగి రీఎంట్రీ ఇస్తున్నార‌ని ప్ర‌చార‌మైంది. అయితే ప్ర‌స్తుత స‌న్నివేశంలో ఆయ‌న రీఎంట్రీ సాధ్య‌మా? అంటే సందేహం వ్య‌క్త‌మ‌వుతోంది. దిల్ రాజు ఎర‌క్క‌పోయి ఇరుక్కుపోయారా? అంటూ ఆస‌క్తిక‌ర చ‌ర్చ సాగుతోంది. అయితే మ‌రోవైపు ఈ నెల 20 నుండి సినిమా రెగ్యులర్ షూట్ మొదలవుతుందని ప్ర‌చారం సాగుతోంది. పవన్ సైతం త్వరలోనే చిత్రీకరణలో పాల్గొంటార‌ని చెబుతున్నారు.
ఈ చిత్రాన్ని వేణు శ్రీ‌రామ్ ద‌ర్శ‌క‌త్వంలో ప్రముఖ నిర్మాత దిల్ రాజు నిర్మిస్తున్నారు. హిందీ, తమిళ భాషల్లో మంచి విజయాన్ని సాధించిన ఈ చిత్రం తెలుగులోనూ ఆ స్థాయి విజ‌యం సాధించాలంటే స్థానిక‌తను దృష్టిలో పెట్టుకుని తెర‌కెక్కించాల్సి ఉంటుంది. ఇక పవన్ ఇప్పుడున్న టెన్ష‌న్స్ లో ఈ రీమేక్ లో న‌టించేందుకు రాగ‌ల‌రా లేదా? అన్న‌దానిపై సందేహం వ్య‌క్త‌మ‌వుతోంది. ఓవైపు అమ‌రావ‌తి రాజ‌ధానిని విశాఖ‌కు త‌ర‌లింపు వ్య‌వ‌హారం అంత‌కంత‌కు వేడెక్కిపోతోంది. ఈ ఉద్య‌మంలో పవన్ భాగ‌మ‌య్యారు కాబ‌ట్టి ఏం జ‌ర‌గ‌నుంది? అన్న‌ది చూడాలి.