సుశాంత్ సింగ్ రాజ్‌పుత్ ఆత్మహత్య కేసు ప్రతిరోజూ కొత్త మలుపు తీసుకుంటోంది. అతన్ని హత్య చేసినట్లు ఆరోపిస్తూ, సుశాంత్ మిస్టీరియ‌స్ మరణ దర్యాప్తుపై సీబీఐ దర్యాప్తు చేయాలని ఒక విభాగం ప్రజలు డిమాండ్ చేస్తున్నారు. తాజాగా మహారాష్ట్రకు చెందిన బిజెపి లీడర్ మరింత షాకింగ్ ఆరోపణలతో హీట్ పెంచారు.
బిజెపి నాయకుడు నారాయణ్ రాణే సుశాంత్ సింగ్ రాజ్‌పుత్ మరణ కేసులో ఉద్ధవ్ ఠాక్రే ప్రభుత్వంపై దాడికి దిగారు. సుశాంత్ హత్యకు గుర‌య్యాడ‌ని.. ఇది ఆత్మహత్య కాదని ఆరోపించారు. రాజ్‌పుత్ లివిన్ భాగస్వామి రియా చక్రవర్తి.. ఆమె కుటుంబ సభ్యులపై సిబిఐ దర్యాప్తును ఆయన సిఫారసు చేశారు.
ముంబై పోలీసులు కొన్ని బ‌లీయ‌మైన శ‌క్తుల్ని కాపాడేందుకు.. పెద్దవారిని దాచేందుకు ప్ర‌య‌త్నిస్తున్నార‌ని తీవ్ర ఆరోపణలు చేశారు. కుట్ర‌దారుల‌కు పోలీసులే క‌వ‌చంలా మారార‌ని రాణే ఆరోపించారు. సుశాంత్ మేనేజర్ దిషా సాలియన్ పై అత్యాచారం చేసి హత్యకు గురైంద‌ని.. దిశా ప్రైవేట్ భాగాలపై గాయపడినట్లు ఒక నివేదిక చూపిస్తోందని మరింత షాకింగ్ ఆరోపణలు చేశారాయ‌న. సుశాంత్ సింగ్ కేసులో న్యాయం కావాలని కోరుతూ బాలీవుడ్ ప్రముఖుల ట్వీట్లు హీట్ పెంచుతున్న సంగ‌తి తెలిసిందే. ఈ కేసులో ముంబై పోలీసుల‌తో బిహారీ పోలీసులు ఘ‌ర్ష‌ణ ప‌డుతున్న సంగ‌తి తెలిసిందే. బాలీవుడ్ మీడియా సైతం రెండు సెక్ష‌న్లుగా విడిపోయి.. ఒక‌రు బాధితుడి త‌ర‌పున వాదిస్తుంటే.. ఇంకొంద‌రు బాలీవుడ్ మాఫియా త‌ర‌పున డిబేట్లు పెట్ట‌‌డం సంచ‌ల‌న‌మ‌వుతోంది.