శంకర్ దర్శకత్వంలో తెరకెక్కి బ్లాక్ బస్టర్ హిట్ కొట్టిన చిత్రం ‘భారతీయుడు’.అవినీతికి లంచగొండితనానికి వ్యతిరేకంగా భారతీయుడు చేసిన పోరాటం ప్రజలను ఎంతగానో మెప్పించింది. ప్రముఖ నటుడు కమల్ హాసన్ ద్విపాత్రాభినయంతో ప్రేక్షకులను బాగా ఆకట్టుకుని ఘన విజయం సాధించింది. ఈ నేపధ్యంంలో ఈ చిత్రానికి సీక్వెల్ చేసేందుకు మరోసారి కమల్, శంకర్ ముందుకొచ్చారు. సంక్రాంతి సందర్భంగా ఈ చిత్రానికి సంబంధించిన పస్ట్‌లుక్‌ను చిత్రబృందం వదిలింది. ఈ ఫస్ట్లుక్ చూస్తే భారతీయుడు సినిమాలో సేనాపతి పాత్ర మన కళ్లదెరుగా కనపడుతుంది.
ఈ పోస్టర్ లో కమల్ తన వర్మ కళను ప్రదర్శిస్తూ కనిపించారు. అంటే ఈ కథలో కూడా వర్మ కళ హైలెట్ గా సాగనుందని అర్దమవుతోంది. జనవరి 18 నుంచి ఈ సినిమా షూటింగ్‌ ప్రారంభం కానున్నట్లు చిత్ర యూనిట్ పేర్కొంది. మొదట ఈ సినిమా రెగ్యులర్‌ షూటింగ్‌ను డిసెంబరు 14న హైదరాబాద్‌లో ప్రారంభించనున్నట్లు వార్తలు వచ్చాయి. రెండో షెడ్యూల్‌ చెన్నైలో జరగనుందని చెప్పుకొచ్చారు.
శంకర్ ‘2.0’ బ్లాక్‌బస్టర్‌ తర్వాత తెరకెక్కిస్తున్న చిత్రమిది. ఈ సినిమాపై కూడా భారీ అంచనాలు నెలకొని ఉన్నాయి. కమల్ మరోపక్క ‘శభాష్‌ నాయుడు’ సినిమాలో నటిస్తున్నారు. తెలుగు, తమిళం, హిందీ భాషల్లో రూపుదిద్దుకుంటోన్న ఈ సినిమా దర్శకత్వ బాధ్యతల్ని కమలే చూసుకుంటున్నారు. రమ్యకృష్ణ, బ్రహ్మానందం, శ్రుతిహాసన్‌ ఇందులో కీలక పాత్రలు పోషిస్తున్నారు.