హీరో గోపీచంద్ న‌ట‌వార‌సులు హ‌ల్చ‌ల్

సుపుత్ర ర‌త్నాల ఇంట్ర‌డ‌క్ష‌న్ బావుందే

నాన్న‌కు ప్రేమ‌తో! అంటూ సుకుమార్ త‌న తండ్రికి కానుక‌గా ఓ సినిమా తీశారు. యంగ్ టైగ‌ర్ ఎన్టీఆర్ న‌టించిన ఆ సినిమా తండ్రి సెంటిమెంట్ వ‌ర్కవుటై ఘ‌న‌విజయం సాధించింది. నేడు ఫాద‌ర్స్ డే సంద‌ర్భంగా సెల‌బ్రిటీలు త‌మ వార‌సుల‌తో ఉన్న ఫోటోల్ని సోష‌ల్ మీడియాల్లో షేర్ చేస్తుంటే అవి వైర‌ల్ గా మారుతున్నాయి.

తాజాగా టాలీవుడ్ ఎగ్రెస్సివ్ హీరో గోపీచంద్ త‌న వార‌సుల్ని అభిమానుల‌కు ప‌రిచ‌యం చేశారు. ఆ ఇద్ద‌రినీ క‌న్నందుకు సంపూర్ణ‌త సాధించాన‌ని గోపీచంద్ ఆనందం వ్య‌క్తం చేశారు. తండ్రిగా ఇది బెస్ట్ ఫీలింగ్.. వీళ్లే నా బ‌లం.. కంప్లీట్ బ్లెస్డ్“ అంటూ ఉద్వేగానికి లోన‌య్యారు గోపీచంద్.

2001లో తొలి వ‌ల‌పు సినిమాతో హీరోగా ప‌రిచ‌యం అయిన గోపీచంద్ కెరీర్ ఒడిదుడుకుల గురించి తెలిసిందే. ఫ్లాపుల్లో ఉన్న‌ప్పుడు విల‌నీతో మెప్పించి తిరిగి ట్రాక్ లోకి వ‌చ్చే ప్ర‌య‌త్నం చేశాడు. గ‌త రెండు మూడేళ్లుగా కెరీర్ ఏమంత ఆశించినంత‌గా వెల‌గ‌లేదు. అయినా ఆఫ‌ర్ల‌కేం కొద‌వేమీ లేదు. ఆక్సిజ‌న్- ఆర‌డుగుల బుల్లెట్- పంతం- చాణ‌క్య .. ఇవ‌న్నీ ఫ్లాపైనా ప‌ట్టువ‌ద‌ల‌ని విక్ర‌మార్కుడిలా త‌న ప్ర‌య‌త్నం విడువ లేదు. గోపీచంద్ ప్ర‌స్తుతం సంప‌త్ నంది ద‌ర్శ‌క‌త్వంలో సీటీమార్ అనే చిత్రంలో న‌టిస్తున్నాడు. ఈ చిత్రం త‌న కెరీర్ ని తిరిగి ట్రాక్ లోకి తెస్తుంద‌న్న పంతంతో ఉన్నాడు మ‌రి.