బాలయ్యకు ‘బిగ్ బాస్’ కౌశల్ కు ఫైట్

అవును ..త్వరలో బాలకృష్ణ , కౌశల్ మధ్య ఫైట్ జరగబోతోంది. కంగారుపడకండి అది తెరమీదే . ఆ ఫైట్ ని సెట్ చేసేది ప్రముఖ దర్శకుడు బోయపాటి శ్రీను అని తెలుస్తోంది. సింహా, లెజండ్ చిత్రాలతో బాలయ్యని అభిమానులకు కన్నుల పండగగా చూపించి సూపర్ హిట్ కొట్టిన బోయపాటి తన తదుపరి చిత్రం మళ్లీ బాలయ్యతో చేయనున్నారు. ఈ మేరకు బాలయ్యను తెరపై ఎదుర్కొనే విలన్ గా కోసం అన్వేషిస్తూండగా కౌసల్ ఆయన దృష్టిలో పడ్డట్లు తెలుస్తోంది.
 
బిగ్ బాస్ తో కౌసల్ కు ఓ రేంజి పాపులారిటి వచ్చేసింది. ముఖ్యంగా సోషల్ మీడియాలో ..కౌసల్ ఆర్మి అయితే ఓ రేంజిలో రచ్చ రచ్చ చేస్తోంది. దాంతో ఈ స్దాయి పాపులారిటి ఉన్న ఆర్టిస్ట్ అయితే బాలయ్యకు సరైన ప్రత్యర్దిగా ఉంటాడని బోయపాటి భావించి ఈ నిర్ణయం తీసుకున్నట్లు తెలుస్తోంది. 
 
అయితే   బిగ్ బాస్ రూల్స్ ప్రకారం ఇప్పుడు కౌశల్ తో మాట్లాడటం కుదరదు.కాబట్టి కౌశల్ బిగ్ బాస్ హౌస్ నుండి బయటకు వచ్చిన తర్వాత ఈ విషయం పై చర్చలు జరుపుతారని ఫిల్మ్ సర్కిల్స్ లో వినపడుతోంది. మొత్తానికి కౌసల్ మంచి ఆఫరే సాధించాడు. జగపతిబాబుని విలన్ గా చూపించి బిజీ చేసిన బోయపాటి కౌసల్ కు కూడా ఖచ్చితంగా లైఫ్ ఇస్తాడని ఆయన ఫ్యాన్స్ నమ్ముతున్నారు

Related Articles

Gallery

- Advertisement -

Recent Articles