వీడియో: బీర‌ట్ పేలుళ్ల‌లో బ‌తికి బ‌య‌ట ప‌డ్డ వ‌ధువు!

లెబ‌నాన్ బీర‌ట్‌లో భారీ పేలుళ్లు ప్ర‌పంచ‌వ్యాప్తంగా క‌ల‌క‌లం రేపుతున్న సంగ‌తి తెలిసిందే. అక్క‌డ (మిడిల్ ఈస్ట్‌) పేలుళ్ల‌పై సందేహం ఉందంటూ అమెరికా అధ్య‌క్షుడు ట్రంప్ వ్యాఖ్యానించ‌డం హాట్ టాపిక్ గా మారింది. బీర‌ట్ కంటైన‌ర్ లో సంభ‌వించిన ఈ భ‌యాన‌క పేలుడులో ఏకంగా 113 మంది స్పాట్ లో మ‌ర‌ణించ‌గా..దాదాపు 4000 మందికి గాయాలయ్యాయ‌ని చెబుతున్నారు.

ఆయిల్ దేశంలో ఈ పేలుళ్ల‌కు సంబంధించిన వీడియోలు సోష‌ల్ మీడియాల్లో హ‌ల్ చ‌ల్ చేస్తున్నాయి. తాజాగా ఓ వీడియో నెటిజ‌నుల్లో హాట్ టాపిక్ గా మారింది. ఓవైపు పెళ్లికి రెడీ అవుతున్న న‌వ‌వ‌ధువు.. పెళ్లి ఫోటోషూట్ లో బిజీబిజీగా ఉంది. ఇంత‌లోనే చెవులు ద‌ద్ద‌రిల్లేలా భారీ బ్లాస్ట్. ఆ పేలుళ్ల‌కు చుట్టుప‌క్క‌ల ప‌రిస‌రాల‌న్నీ ద‌ద్ద‌రిల్లిపోయాయి. ఆ దృశ్యం ఎంత భ‌యాన‌కంగా ఉం‌దో ఈ వీడియో చూస్తే‌నే అర్థ‌మ‌వుతోంది. లెబ‌నీ వ‌ధువు ఆ పేలుడుకి త‌త్త‌ర‌ప‌డిపోయింది. ఫోటోగ్రాఫ‌ర్ కెమెరా షేకైంది. చుట్టూ ఉన్న‌వాళ్లు ప‌రుగులంకించుకున్నారు.

స్పాట్ లో ఫోటోషూట్ చేస్తున్న వీడియోగ్రాఫ‌ర్ మ‌హ‌మూద్ న‌కీబుల్ ఈ మొత్తం దృశ్యాన్ని వీడియో తీశారు. ఆ వీడియోలో ఫోటోషూట్ ప‌రిస‌రాల్లోని ఇంటి అద్దాలు ఆ శ‌బ్ధాల‌కు రాశిగా ఎగిరిప‌డి భీతావ‌హాన్ని ఆవిష్క‌రించాయి. అయినా ఆ వ‌ధువు అస్స‌లు భ‌య‌ప‌డ‌క దేవుడిపై న‌మ్మ‌కం ఉంచింద‌ట‌. ఆ త‌ర్వాత ఫోటోషూట్ పూర్తి చేసి భ‌ర్త‌తో క‌లిసి డిన్న‌ర్ కి వెళ్లింద‌ట‌. పైగా అమెరిక‌న్ల బుద్ధి మారాలంటూ చీవాట్లు పెట్టింది. దేవుడిని న‌మ్ముకోమ‌ని సెల‌విచ్చింది. ఆ కంటైన‌ర్ లో భారీగా అమ్మోనియా అనే ర‌సాయ‌నం ఉంది. ఆ పేలుడుకు భారీగా మంట‌లు ద‌ట్ట‌మైన దుమ్ము ధూలితో పొగ‌లు క‌మ్ముకున్నా ఈ అమ్మ‌డు భ‌య‌ప‌డ‌లేదు మ‌రి.