సూపర్ మ్యాన్.. స్పైడర్ మ్యాన్.. బ్యాట్ మ్యాన్.. ఇలా ఎన్నో విచిత్రమైన పాత్రలతో సినీ ప్రియుల్ని ఉర్రూతలూగించిన హాలీవుడ్ ఇప్పుడు ‘ఆక్వామ్యాన్’ని మన మందుకు తెస్తోంది. సగం మనిషిగా.. సగం చేపగా ఉండే చిత్రమైన క్యారెక్టర్ గా దీన్ని రూపొందిస్తున్నారు.
ఈ ఏడాది రాబోతున్న మోస్ట్ అవైటెడ్ సినిమాల్లో ఒకటైన ‘ఆక్వామ్యాన్’ కు సంభందించి ‘బిహైండ్‌ ది సీన్స్‌’అంటూ ఓ మేకింగ్ వీడియోని వదిలారు నిర్మాతలు. సూపర్ హీరో సినిమాల్ని అమితంగా ఇష్టపడే సినీ ప్రియులకు ఈ మేకింగ్ వీడియో తెగ నచ్చేస్తోంది. ఆ వీడియో మీరు ఇక్కడ చూడవచ్చు.
ఆంబర్‌ హర్డ్‌, పాట్రిక్‌ విల్సన్‌, నికోల్‌ కిడ్మన్‌ ప్రధాన పాత్రలు పోషించిన ఈ సినిమాలో విశేషాలకు సంభందించి క్లూలు ఇస్తోంది ఈ వీడియో . ఈ ‘బిహైండ్‌ ది సీన్స్‌’ వీడియోలో ఆక్వామన్ పాత్రను ఎలా రూపొందించారో చూపించారు. ఈ సినిమా కోసం ఓ ప్రపంచాన్నే సృష్టించారని దర్శకుడు జేమ్స్‌ తెలిపారు.
అలాగే ఇలాంటి సినిమాను ఇంతకు ముందు ఎప్పుడూ ప్రేక్షకులు చూసి ఉండరని అంటున్నారు. వార్నర్ బ్రదర్స్ ప్రతిష్ఠాత్మకంగా నిర్మిస్తున్న ఈ చిత్ర ట్రైలర్‌ ఇప్పటికే విడుదలై సినిమాపై అంచనాలను పెంచేసింది. 160 మిలియన్‌ డాలర్ల‌తో ఈ చిత్రాన్ని నిర్మించే ఈ చిత్రం తెలుగు, హిందీ, తమిళ భాషల్లోనూ సినిమాను విడుదల చేస్తున్నారు. వార్నర్ బ్రదర్స్.. శాండియాగో కామిక్ కాన్ సంస్థ ఈ చిత్రాన్ని సంయుక్తంగా నిర్మించాయి. ఈ ఏడాది డిసెంబరు 21న ‘ఆక్వామన్’ ప్రేక్షకుల ముందుకు రాబోతోంది.