‘అర్జున్ రెడ్డి’ సినిమాతో యూత్ ఫాలోయింగ్ ఏర్పరచుకున్న స్టార్ ‘విజయ్ దేవరకొండ’. మహానటి సినిమాలో తన పెర్ఫార్మన్స్ తో మంచి మార్కులే కొట్టేశాడు. త్వరలో ‘గీత గోవిందం, టాక్సీవాలా’ సినిమాలతో బాక్స్ ఆఫీస్ వద్దకు రానున్నాడు. ఈ రెండు సినిమాలే కాకుండా మరో సినిమాలో నటిస్తున్నాడు ఈ స్టార్. ఆ సినిమా పేరే ‘నోటా’.
ఈ సినిమా రాజకీయ నేపథ్యంలో కొనసాగే కథ. మరి ఈ సినిమాలో విజయ్ ముఖ్యమంత్రిగా కనిపించనున్నాడని సమాచారం. ఈ సినిమాకి తమిళ దర్శకుడు ఆనంద్ శంకర్ దర్శకత్వం వహిస్తున్నారు. ‘రాజా ది గ్రేట్’ ఫేమ్ మెహ్రీన్ పిర్జాదా కథయినాయికగా కనిపించనుంది. తెలుగు, తమిళం రెండు భాషల్లో తీస్తున్న ఈ సినిమాతో తమిళ ఇండస్ట్రీలో అడుగు పెట్టనున్నాడు హీరో విజయ్. ఈ సినిమాతో తమిళ ఇండస్ట్రీలో కూడా తన లక్ టెస్ట్ చేసుకోనున్నాడు.