విజయ్ దేవరకొండ తాజా సినిమా ‘డియర్ కామ్రేడ్’ ఆశించినంత ఫలితం ఇవ్వకపోయినా ఈయన క్రేజ్ కు వాటిల్లిన నష్టం లేదని తెలుస్తోంది. ఎందుకంటే సినిమా ప్లాప్ అయినా దానితో సంబంధం లేకుండా అతనికి హిందీ సినిమా అవకాశాలు తలుపు తడుతున్నాయి.
దాంతో ఆ సంగతి చూద్దామని ప్రస్తుతం ముంబై లో ఒక యాడ్ ఫిలిం షూటింగ్ కోసం వెళ్లిన విజయ్ దేవరకొండ వరుసగా దర్శకుల కధలు వింటున్నాడు. అతనికి కథ నచ్చితే కరణ్ జోహార్ ఆ సినిమాను నిర్మించడానికి సిద్ధంగా ఉన్నాడు. ఇంకేం ఉంది హీరో పచ్చ జెండా ఒప్పందమే తరువాయి.
తెలుగు సినిమాల విషయానికి వస్తే క్రాంతి మాధవ్ దర్శకత్వంలో చేస్తున్న సినిమా చివరి దశకు చేరింది. ఆ పైన వచ్చే జనవరి నుండి పూరి జగన్నాధ్ తో సినిమా మొదలవుతుంది. అటు సినిమాలతోను ఇటు యాడ్లతోనూ తీరిక లేకుండా ఉన్నాడు మన అర్జున్ రెడ్డి.