ఆంధ్రప్రదేశ్ రాజకీయాల్లో విజయనగరం జిల్లాకు ఒక ప్రత్యేకమైన ట్రాక్ రికార్డ్ ఉంది. ఇక్కడ వైఎస్సార్సీపీ నుంచి పదవులు పొందడం, ఆ తర్వాత నెమ్మదిగా సైకిల్ ఎక్కేయడం లేదా గ్లాస్ అందుకోవడం కొందరు నేతలకు ప్యాషన్ అయిపోయింది. తాడేపల్లి ప్యాలెస్ నుంచి సకల మర్యాదలు, పదవులు అనుభవించి.. తీరా సమయం వచ్చేసరికి జగన్మోహన్ రెడ్డికి వెన్నుపోటు పొడిచి బోర్డు తిప్పేసిన ముగ్గురు మహానుభావుల లేటెస్ట్ చరిత్ర చూస్తే ఎవరికైనా నవ్వురాక మానదు.
“అధికారం ఉన్నప్పుడు మా జగనన్నే దేవుడు.. అధికారం పోగానే పచ్చ జెండాయే మాకు దిక్కు” అనే రేంజ్లో విజయనగరం జిల్లాలో నడుస్తున్న ఈ మోసాల జాతరపై ఒక లుక్కేద్దాం. మొదటి ముచ్చట.. 2024 మార్చిలో జరిగిన ఇందుకూరి ఫ్యామిలీ ఎపిసోడ్. శృంగవరపుకోట నియోజకవర్గ నేత ఇందుకూరి రఘురాజు గారికి జగన్మోహన్ రెడ్డి ఎంతో నమ్మకంతో ఎమ్మెల్సీ పదవి ఇచ్చి గౌరవించారు. కానీ, ఇంట్లో విభేదాలో లేక పదవుల దాహమో తెలీదు కానీ, ఆయన భార్య ఇందుకూరి సుధారాణి సడన్గా వైఎస్సార్సీపీకి గుడ్ బై చెప్పేసి పసుపు కండువా కప్పేసుకున్నారు.
జగనన్న ఇచ్చిన ఎమ్మెల్సీని పక్కనబెట్టి, కూటమి ప్రభుత్వం రాగానే ఆమె ఏకంగా టూరిజం కార్పొరేషన్ డైరెక్టర్ కుర్చీలో కూర్చుండిపోయారు. ఎంతైనా పదవుల ప్లానింగ్ అంటే ఇందుకూరి ఫ్యామిలీదే అని జిల్లా ప్రజలు ముక్కున వేలేసుకుంటున్నారు. ఇక రెండో వికెట్.. 2024 జూన్లో పడిన అవనాపు ఫ్యామిలీ వికెట్. విజయనగరం నియోజకవర్గానికి చెందిన అవనాపు భావనా విక్రమ్ గారికి వైఎస్సార్సీపీ హయాంలో ఏకంగా రెండుసార్లు డీసీఎంఎస్ చైర్మన్ లాంటి పెద్ద పదవి ఇచ్చి అక్కున చేర్చుకున్నారు.
కానీ, పాపం కూటమి అధికారంలోకి రాగానే ఆమెకు వైఎస్సార్సీపీ సిద్ధాంతాలు నచ్చలేదు కాబోలు. వెంటనే పదవికి రాజీనామా చేసి జనసేన గూటికి చేరిపోయారు. అక్కడ దిగడమే ఆలస్యం.. జనసేన జిల్లా అధ్యక్ష పదవి కోసం గట్టిగా పోటీ పడుతూ లైన్ లో నిలబడ్డారు. అధికారం ఉన్నంత కాలం డీసీఎంఎస్ చైర్మన్గా కార్లలో తిరిగి, సీన్ మారగానే గ్లాస్ పట్టుకోవడం అంటే మామూలు స్కెచ్ కాదు బాసూ. అన్నింటికంటే హైలైట్.. నిన్నటికీ నిన్న, అంటే 2026 సెప్టెంబర్ 8న మన ‘చిన్న శ్రీను’ అలియాస్ మజ్జి శ్రీనివాసరావు వేసిన మాస్టర్ స్ట్రోక్.
జగన్మోహన్ రెడ్డి చిన్న శ్రీను కోసం ఏకంగా జిల్లా పరిషత్ చైర్మన్ రిజర్వేషన్ను ఎస్సీ నుంచి బీసీకి మార్చి మరీ జెడ్పీ చైర్మన్ కుర్చీ ఎక్కించారు. అంతటితో ఆగకుండా ఉమ్మడి విజయనగరం జిల్లా ప్రెసిడెంట్ బాధ్యతలు, భీమిలి నియోజకవర్గ ఇన్చార్జ్ హోదాలు కట్టబెట్టారు. కానీ, చిన్న శ్రీను నిన్న సడన్గా సీఎం చంద్రబాబు సమక్షంలో సైకిల్ ఎక్కేసారు. వినికిడి ఏంటంటే.. టీడీపీలో ఈయనకు భవిష్యత్తులో ఎమ్మెల్సీ, కూతురు సిరి సహస్రకు జెడ్పీ చైర్మన్ పదవి, ఇక 2029లో విజయనగరం ఎంపీ సీటు కూడా పక్కా చేసుకున్నారట. జగనన్న ఇచ్చిన సకల భోగాలు అనుభవించి.. ఇప్పుడు పచ్చ గూటిలో భారీ డీల్స్ కుదుర్చుకోవడం చూస్తుంటే, విజయనగరంలో వైఎస్సార్సీపీకి నాయకులు చేసిన మోసాలు ఎలాంటివో అర్థమవుతోంది.