Actor Vishal: విభిన్న కథలతో తనకంటూ ఏ గుర్తింపు తెచ్చుకున్న నటుడు విశాల్. ఈ ప్రముఖ హీరోకి అటు తమిళ్లోనే కాకుండా తెలుగులోనూ ఎంతో క్రేజ్ ఉన్న సంగతి అందరికీ తెలిసిందే. వెరీ డీసెంట్ యాక్టర్గా పేరు గడించిన ఈ స్టార్ హీరోకు తమిళంలో మంచి ట్రాక్ రికార్డే ఉంది. దాంతో మంచి కథలు కూడా ఎంచుకుంటాడని అక్కడి వారి నమ్మకం. ఆ నమ్మకాన్ని ఒమ్ము చేయకుండా అదే స్థాయిలో పేరు నిలబెట్టుకుంటున్నాడు యంగ్ హీరో విశాల్.
కాగా ఇటీవల ఆయన తీసిన సినిమాలో ఒక్కొక్కటిగా రిలీజ్ అవుతున్న విషయం విధితమే. వాటిల్లో కొన్ని థియేటర్లలోనూ, మరికొన్ని ఓటీటీల్లోనూ సందడి చేస్తూ అభిమానులకు వినోదాన్నిస్తున్నాయి. అలా విడుదలైన చిత్రాలే ఎనిమి, సామాన్యుడు. ఇవి కూడా ప్రస్తుతం మంచి టాక్ను సొంతం చేసుకున్నట్టు తెలుస్తోంది. హిట్టులను, ఫ్లాపులను ఒకే విధంగా చూసే ఈ హీరో కెరీర్లో ఇప్పటివరకూ ఎన్నో సినిమాలు తీసినా బాక్సాఫీస్ వద్ద రికార్డు బద్దలు కొట్టేంత రేంజ్లో సక్సెస్ను సంపాదించుకున్న సినిమాలు చాలా తక్కువే అని చెప్పాలి.
ఇక వివరాల్లోకి వెళితే, నటుడు విశాల్ తాజాగా నటిస్తున్న చిత్రం లాఠీ. పోలీస్ ఆఫీసర్గా కనిపించనున్న విశాల్ ఈ సినిమా చిత్రీకరణ శరవేగంగా జరుగుతోంది. అయితే యాక్షన్ ఓరియెంటెడ్ ప్రధాన అజెండాగా నిర్మిస్తున్న ఈ మూవీ చిత్రీకరణ సమయంలో నటుడు విశాల్ ప్రమాదానికి గురయ్యారు. ప్రస్తుతం ఆయన కేరళలో చికిత్స పొందుతన్నట్టు సమాచారం. ఈ విషయాన్ని ఆయనే స్వయంగా ట్విట్టర్ వేదికగా పంచుకున్నారు. ఆయన ట్వీట్ చేసిన వీడియోను బట్టి చూస్తే విలన్స్ నుంచి ఓ బాబును కాపాడే సమయంలో సన్నివేశంలో విశాల్ గాయపడ్డట్టు తెలుస్తోంది. ఈ ప్రమాదంలో ఆయన చేతికి, నుదిటి భాగంలో గాయాలైనట్టు కూడా ఈ వీడియో స్పష్టం చేస్తోంది. ఆయనకు గాయం కావడంతో ప్రస్తుతం తదుపరి షూటింగ్కు కాస్త విరామమిచ్చినట్టు విశాల్ తెలిపారు. తిరిగి మార్చి మొదటివారం నుంచి ఈ సినిమా చివరి షెడ్యూల్ చిత్రీకరించనున్నట్టు కూడా ఆయన స్పష్టం చేశారు. ఇకపోతే వినోద్ కుమార్ దర్శకత్వం వహిస్తున్న ఈ మూవీలో విశాల్ సరసన సునయన హీరోయిన్గా నటిస్తున్నారు.