Sudigali Sudheer: టాలీవుడ్ లో ఎన్ని టీవీ షోస్ ప్రసారం అవుతున్నప్పటికీ ఈటీవీ లో ప్రసారమయ్యే జబర్దస్త్ కి ఉన్న క్రేజ్ మాత్రం తగ్గటం లేదు. ప్రతి గురు , శుక్ర వారాలలో ప్రసారమవుతున్న జబర్దస్త్ , ఎక్స్ ట్రా జబర్దస్త్ ప్రోగ్రాం కు మంచి ఫాలోయింగ్ ఉంది. జబర్దస్త్ ప్రోగ్రాంలో అనసూయ యాంకరింగ్ మామూలుగా ఉండదు. ఆదితో కలిసి అప్పుడప్పుడు స్కిట్ చేస్తూ అందరినీ మెప్పిస్తుంది. ఎక్స్ ట్రా జబర్దస్త్ ప్రోగ్రాంలో రష్మి యాంకరింగ్ కూడా ఏ మాత్రం తగ్గట్లేదు. ప్రతి గురువారం ఆది పంచ్ లతో జబర్దస్త్ లో కామెడీ చేయగా.. ఎక్స్ ట్రా జబర్దస్త్ లో సుధీర్ ,శీను ,రాంప్రసాద్
పంచ్ లతో ప్రేక్షకులను అలరిస్తున్నారు.
తాజాగా అనసూయ చిన్న గ్యాప్ తర్వాత జబర్దస్త్ ప్రోగ్రాం కు వచ్చింది. కొన్ని అనివార్య కారణాలవల్ల అనసూయ జబర్దస్త్ ప్రోగ్రాంకి రాలేకపోయినందున రష్మి తో జబర్దస్త్ , ఎక్స్ట్రా జబర్దస్త్ ప్రోగ్రామ్ కి యాంకరింగ్ చేయించారు. కొత్త ఏడాదిలో అనసూయ మళ్లీ జబర్దస్త్ షో కి విచ్చేశారు. ” ఏ బిడ్డ.. ఇది జబర్దస్త్ కొత్త అడ్డా ” అంటూ జనవరి 6న టెలికాస్ట్ కానున్న ఎపిసోడ్ ప్రోమో లో సందడి చేశారు . దీని ద్వారా కొత్త సంవత్సరానికి జబర్దస్త్ కోసం కొత్త సెట్ రెడీ చేశారు అని అందరికీ తెలిసిపోయింది.
ఈ ప్రోమో ద్వారా సుడిగాలి సుదీర్ ఆది టీం లో స్కిట్ చేస్తున్నట్టు తెలుస్తోంది. అనసూయ సుధీర్ పై వేసిన పంచ్ కి అక్కడున్న వారందరూ పగలబడి నవ్వారు. ఆది టీం లో లేడి గెటప్ తో శాంతి స్వరూప్ అందరినీ ఆకట్టుకున్న సంగతి తెలిసిందే. అయితే ఈ ప్రోమోలో శాంతి స్వరూప్ మానవ మానవ అంటూ సుధీర్ దగ్గరకు రాగానే ” ఆల్రెడీ ‘ఢీ’ మానాను ఇంకా ఏం మానాలి రా బాబు ” అంటూ తనపై తానే సెల్ఫ్ సెటైర్ వేసుకున్నాడు. సుడిగాలి సుధీర్ , రష్మి గౌతమ్ ప్రోగ్రాంలో టీం లీడర్స్ గా చేసి ప్రేక్షకులందరిని అలరించారు. ఇప్పుడు వారు ‘ ఢీ 14 ‘ కనిపించటం లేదు. వాళ్లిద్దరి అభిమానులు, ముఖ్యంగా సుధీర్ అభిమానులు అతడిని మళ్లీ ‘ఢీ’ షోకి మళ్లీ తిరిగి రావాలని కోరుతున్నారు.