Bappi Lahiri :గడిచిన గత కొద్ది రోజులు కితమే మన దేశంకి చెందిన ప్రముఖ సీనియర్ గాయని గాన కోకిల లతా మంగేష్కర్ కన్ను మూసిన సంగతి తెలిసిందే. మరి ఇదే పెద్ద తీరని నష్టం అయితే అది మరిచే లోపే మన దేశ సంగీత ప్రపంచం దగ్గర మరో ఊహించని షాక్ తగిలింది. మన దేశానికి చెందిన ప్రముఖ సీనియర్ సంగీత దర్శకుడు బప్పీ లహరి కన్ను మూసారన్న వార్త ఇప్పుడు అందరికీ షాక్ ఇచ్చింది.
తన పాటలు అదిరే మ్యూజిక్ తో బప్పీ లహరి గత నాలుగు దశాబ్దాల కాలంలో అందించిన సంగీతం సంగీత ప్రియులను ఒక ఊపు ఊపింది. ముఖ్యంగా తన సాంగ్ “ఐ యామ్ ఏ డిస్కో డాన్సర్” ఇప్పటికీ కూడా ఎవర్ గ్రీన్ గా వింటారు. ఇలా ఎన్నో అద్భుతమైన పాటలు ఇచ్చిన బప్పీ లహరి ఇప్పుడు కన్ను మూయడం నిజంగా భారత సినిమా దగ్గర తీరని విషాదం నెలకొల్పింది.
గతంలో బప్పీ కి కరోనా సోకి హాస్పిటల్ లో అడ్మిట్ కాగా తర్వాత డిశ్చార్జ్ కూడా అయ్యారు. కానీ తర్వాత ఆరోగ్య పరమైన సమస్యలు వచ్చాయట. దీనితో ఇప్పుడు ముంబై హాస్పిటల్ లో అడ్మిట్ అయ్యి చికిత్స పొందుతూ తన 69వ ఏట తుది శ్వాస విడిచారు. దీనితో ఒక్కసారిగా దేశం దిగ్భ్రాంతికి లోనయ్యింది. అలాగే అనేక మంది సినీ ప్రముఖులు విషాదం వ్యక్తం చేస్తూ ఆ లెజెండరీ సంగీత దర్శకుడు కి నివాళులు అర్పిస్తున్నారు.