ఇప్పుడు పాన్ ఇండియా డైరెక్టర్స్ అంటే మన నుంచి ఎస్ ఎస్ రాజమౌళి టాప్ లో ఉన్నారు కానీ ఒకప్పుడు ఇండియన్ సినిమా దగ్గర తన సినిమాలతో ఓ రేంజ్ లో అందరి దృష్టి తిప్పుకున్న దర్శకుడు మాత్రం శంకర్ అని చెప్పాలి. భాషా బేధాలు లేకుండా సినిమా లవర్స్ విషయంలో మాత్రం శంకర్ అంటే ఏ లెవెల్ ఉంటుందో అందరికీ తెలిసిందే.
మరి ఆ లెవెల్ లో స్టాండర్డ్స్ సెట్ చేసిన శంకర్ నుంచి మళ్ళీ తన రేంజ్ మాస్ కం బ్యాక్ ని అయితే అంతా ఆశిస్తున్నారు. మరి ఈ కం బ్యాక్ ఖచ్చితంగా మెగాపవర్ స్టార్ రామ్ చరణ్ తో చేస్తున్న “గేమ్ ఛేంజర్” తో ఉంటుంది అని అంతా బలంగా నమ్ముతున్నారు. మరి ఈ మాసివ్ ప్రాజెక్ట్ కి కూడా శంకర్ ఆ లెవెల్లోనే ఖర్చు పెట్టించినట్టుగా కన్ఫర్మ్ అయ్యింది.
ముఖ్యంగా శంకర్ సినిమాల్లో పాటలు అంటే ఓ లెవెల్లో ఉంటాయి. ఒకో పాట కూడా ఒకో అద్భుతంలా ఉంటుంది. మరి అందుకు తగ్గట్టుగానే ఈ సినిమాకి గాను శంకర్ ఒకో సాంగ్ కి సుమారు 10 నుంచి 12 కోట్లు ఖర్చు చేసినట్టుగా స్వయంగా నిర్మాత దిల్ రాజు రివీల్ చేశారు. సినిమాలో మొత్తం 5 పాటలు ఉంటే అన్నిటికీ కూడా 10 నుంచి 12 కోట్లు ఖర్చు చేశామని తెలిపారు.
అయితే ఈ సినిమా మా బ్యానర్ లో 50వ సినిమా అని అలాగే శంకర్ గారి సినిమాలో పాటలు అంటే ఏ ఖర్చు ఉంటుందో బాగా తెలుసు అందుకే ఈ సినిమా విషయంలో దేనికి కూడా వెనకాడలేదని దిల్ రాజు తెలిపారు. మరి ఈ సినిమాలో సాంగ్స్ అయితే ఎలా ఉంటాయో చూడాలి మరి.