తెలుగు సినిమా దగ్గర ఎలాంటి బాక్గ్రౌండ్ లేకుండా కూడా అంచలంచలుగా ఎదిగి స్టార్ స్టేటస్ తెచ్చుకున్న కొద్ది మంది స్టార్ హీరోస్ లో మాస్ మహారాజ రవితేజ కూడా ఒకరు. మరి రవితేజ సినిమా వస్తుంది అంటే అందరి హీరోల అభిమానులు కూడా ఇష్టపడతారు.
ఇక ఈ ఏడాది తన నుంచి ఆల్రెడి ఓ సినిమా “ఖిలాడీ” రాగా ఆ చిత్రం అనుకున్న స్థాయి విజయాన్ని అందుకోలేదు. ఇక దీని తర్వాత ఎలాంటి లేట్ చెయ్యకుండా మరిన్ని సినిమాలు రవితేజ ఓకే చేస్తూ శరవేగంగా సినిమాలు షూటింగ్ చేస్తూ వచ్చారు.
మరి ఆ చిత్రాల్లో కొత్త దర్శకుడు శరత్ మందవ కి అవకాశం ఇచ్చి చేసిన లేటెస్ట్ సినిమానే “రామారావు ఆన్ డ్యూటీ”. ఒక పొలిటికల్ బ్యాక్ డ్రాప్ థ్రిల్లర్ గా తెరకెక్కించిన ఈ సినిమాపై మంచి అంచనాలు ఉన్నాయి. ఇక ఈ సినిమా నుంచి అయితే ఇప్పుడు చిత్ర బృందం ఒక మాస్ నోటీసు వీడియో రిలీజ్ చేసారు.
ఇదైతే అదిరిపోయింది అని చెప్పాల్సిందే. అయితే ఇందులో హైలైట్స్ మాత్రం చూస్తే ఫస్ట్ లోనే సంగీత దర్శకుడు సామ్ తన బ్యాక్గ్రౌండ్ మ్యూజిక్ తో అదరగొట్టేసాడు. అలాగే తర్వాత రవితేజపై ఏక్షన్ ఎపిసోడ్స్ వేరే లెవెల్లో కనిపిస్తున్నాయి అంతే కాకుండా రవితేజ నుంచి కాస్త కొత్తగా కూడా ఈ సీన్లు కనిపిస్తున్నాయి.
ఇక ఫైనల్ గా అయితే రవితేజ తన హార్డ్ వర్క్ ని నమ్ముకునే డైలాగ్ కూడా ఇంటెన్స్ గా ఉంది. మొత్తంగా అయితే ఈ జూలై 29న మాత్రం థియేటర్స్ లో రామారావు మాస్ ట్రీట్ కన్ఫర్మ్ లా ఉందని చెప్పాలి. ఇక ఈ సినిమాలో మజిలీ ఫేమ్ దివ్యాంశ కౌషిక్ హీరోయిన్ గా నటించగా ఎస్ ఎల్ వి సినిమాస్ వారు నిర్మించారు.
