Rajamouli And Megastar : గత కొన్నాళ్ల నుంచి తెలుగు సినిమాలో ఆంధ్ర రాష్ట్రం నుంచి ఎలాంటి పరిస్థితులు నెలకొన్నాయో తెలిసిందే. ఆకస్మికంగా సినిమా రేట్ లు తగ్గించేసి కొత్త జివో లతో నానా హంగామా నడవగా ఎట్టకేలకు గత కొన్ని రోజులు కితం జరిగినటువంటి మీటింగ్ తో ఒక క్లారిటీ ఇచ్చారు. అయితే ఈ మీటింగ్ లో టాలీవుడ్ దిగ్గజ హీరో మెగాస్టార్ చిరంజీవి పోషించిన పాత్ర ఏమిటో కూడా అందరికీ తెలుసు.
అయితే తెలుగు సినిమాలో ఎన్టీఆర్, దాసరి కాలం చెల్లించిన తర్వాత ఇండస్ట్రీ పెద్దగా మెగాస్టార్ చిరంజీవినే అంతా అనుకున్నారు. కానీ కొందరు తనపై అక్కసు చూపిన మాట వాస్తవం. ఇండస్ట్రీ కోసం వారు చేసింది ఎంత ఉందో కానీ తాను ఇండస్ట్రీ పెద్దగా ఉండను, నాకు ఆ మాట ఇష్టం లేదు అని చెప్పిన మెగాస్టార్ కి మాత్రం అదే ఇండస్ట్రీ పెద్ద అనే పదం తాను వద్దన్నా వెంట వస్తుండడం గమనార్హం.
లేటెస్ట్ గా భారీ సినిమా ట్రిపుల్ ఆర్(RRR) భారీ ఈవెంట్ బెంగళూరులో జరగగా ఈ సభా వేదికగా ఇండియాస్ టాప్ దర్శకుడు అయినటువంటి ఎస్ ఎస్ రాజమౌళి ఇండస్ట్రీ కష్టంలో ఉన్నపుడు మెగాస్టార్ చేసిన సాయం కోసం తాను తెర వెనుక ఉండి సినిమాల కోసం ఎంత కష్టపడ్డారో అవమానాలు పడ్డారో తెలిపి చిరు గొప్పదనాన్ని అందరి ముందు చెప్పారు.
చిరు తనకి తాను ఇండస్ట్రీ పెద్ద అనిపించుకోవడం ఇష్టం ఉండదు కానీ మా దృష్టిలో మాత్రం ఎప్పుడూ ఆయనే ఇండస్ట్రీ పెద్ద అని ఇండస్ట్రీ మొత్తం ఆయనకి ఋణ పడి ఉండి తీరాలని రాజమౌళి తెలిపారు. దీనితో ఈ ఇండస్ట్రీ పెద్ద అని ఇండియాస్ టాప్ దర్శకుడే కితాబు ఇచ్చాక ఇక వేరే వాళ్ళు ఏదో అంటున్నారని వాళ్ళ కోసం మాట్లాడుకోవడం అనవసరం అని కేస్ క్లోజ్ అయ్యిపోయిందని మెగా ఫ్యాన్స్ కాలర్ ఎగరేస్తున్నారు.