Home News రేసింగులకీ.. రైడింగులకీ తేడా తెలియట్లేదా.?

రేసింగులకీ.. రైడింగులకీ తేడా తెలియట్లేదా.?

Riding Vs Racing

కుర్రాళ్ళు రేసింగులకి పాల్పడటం గురించి తరచూ వింటుంటాం. అలాంటి రేసింగుల కారణంగా ఎంతోమంది ప్రాణాలు కోల్పోయారు.. కోల్పోతున్నారు కూడా. మరి, సినీ నటుడు సాయి ధరమ్ తేజ్ విషయంలో ఏం జరిగింది.? ఆయన రేసింగులో పాల్గొన్నాడా.? ఆయనతోపాటు సీనియర్ నటుడు నరేష్ కుమారుడు నవీన్ (ఈయనా నటుడే) కూడా రేసింగ్ చేశాడా.? ఈ రేసింగ్ కారణంగానే సాయిధరమ్ తేజ్ రోడ్డు ప్రమాదానికి గురయ్యాడా.? మీడియాలో రకరకాల స్పెక్యులేషన్స్ వినిపిస్తున్నాయి. ఈ అంశంపై సీనియర్ నటుడు నరేష్ మీడియాతో మాట్లాడారు.

యువ నటులు బైక్ రైడింగ్స్ చేయడాన్ని తాను సమర్థించననీ, వారికి మంచి భవిష్యత్తు వుందనీ, చిన్న ప్రమాదం జరిగినా, కుటుంబం ఇబ్బందుల్లో పడుతుందనీ, సినిమా నిర్మాతలూ సమస్యలు ఎదుర్కొనాల్సి వస్తుందనీ సర్వసాధారణమైన విశ్లేషణ చేశాడాయన. తాను కూడా ఒకప్పుడు బైక్ రైడర్‌ననీ, బైకులంటే తనకూ ఇష్టమేననీ, కానీ ఓ ప్రమాదం తర్వాత బైక్ రైడింగ్ చేయబోనని తన తల్లికి మాటిచ్చాననీ, తన కుమారుడికీ.. అలాగే తన కుమారుడి లాంటి సాయి ధరమ్ తేజ్‌కీ బైక్ రైడింగ్ విషయమై హెచ్చరిస్తుంటాననీ నరేష్ చెప్పుకొచ్చాడు.

ఈ రైడింగ్ అనే పదాన్ని ఓ సెక్షన్ మీడియా రేసింగ్ అనే అర్థంలో తీసుకుంది. ప్రమాదం జరిగిన సమయంలో సాయి ధరమ్ తేజ్ మరీ అంత ఎక్కువ వేగంతో ఏమీ వెళ్ళడంలేదు. ఇసుక కారణంగా రోడ్డు మీద బైక్ స్కిడ్ అయినట్లు సాక్షాత్తూ పోలీసులే చెబుతున్నారు. మరి, రేసింగ్ అన్న ప్రస్తావన ఓ సెక్షన్ మీడియా ఎందుకు తీసుకొస్తోంది.? అన్నదే కీలకం ఇక్కడ. పనిగట్టుకుని మెగా కాంపౌండ్ మీద బురద చల్లే ప్రయత్నం ఆ సెక్షన్ మీడియా చేయడం వెనుక అసలు కారణమేంటోగానీ.. పూర్తిస్థాయిలో సదరు మీడియా ఈ ఘటనకు సంబంధించి పరువు పోగొట్టుకుందన్నది నిర్వివాదాంశం.

Related Posts

జనంలోకి జనసేనాని.. జనసైనికుల్లో జోష్ వస్తుందా.?

జనసేన అధినేత పవన్ కళ్యాణ్ చాలా కాలం తర్వాత జనంలోకి వెళ్ళబోతున్నారు. తూర్పుగోదావరి జిల్లాలో రోడ్లను బాగు చేసేందుకు శ్రమదానం చేయనున్నారట జనసేన అధినేత. ఈ మేరకు పార్టీ వర్గాలు స్పష్టతనిచ్చాయి. అక్టోబర్...

బిగ్ బాస్ తెలుగు: అప్పుడు అవినాష్, ఇప్పుడు రవి.!

బిగ్ బాస్ రియాల్టీ షో తెలుగు సీజన్ 5 విషయానికొస్తే, చిత్ర విచిత్రంగా కనిపిస్తోంది కంటెస్టెంట్ల తీరు బిగ్ హౌస్‌లో. సుదీర్ఘమైన నామినేషన్ల ప్రక్రియ.. సుదీర్ఘమైన టాస్కులు.. ఇవేవీ వీక్షకులకు 'కిక్కు' ఇవ్వలేకపోతున్నాయి....

Related Posts

Latest News