ఐపీఎల్-2020: సీజన్‌ ప్లేఆఫ్ ముంగిట కింగ్స్ ఎలెవన్ పంజాబ్ బ్యాక్ టు బ్యాక్ విజయాలతో అదరగొడుతోంది. కోల్‌కతా నైట్‌రైడర్స్‌తో షార్జా ఐపీఎల్-2020: సీజన్‌ ప్లేఆఫ్ ముంగిట కింగ్స్ ఎలెవన్ పంజాబ్ బ్యాక్ టు బ్యాక్ విజయాలతో అదరగొడుతోంది. కోల్‌కతా నైట్‌రైడర్స్‌తో షార్జా వేదికగా సోమవారం రాత్రి జరిగిన మ్యాచ్‌లో క్రిస్‌గేల్ (51: 29 బంతుల్లో 2×4, 5×6), మన్‌దీప్ సింగ్ (66 నాటౌట్: 56 బంతుల్లో 8×4, 2×6) హాఫ్ సెంచరీలు బాదడంతో పంజాబ్ టీమ్ 8 వికెట్ల తేడాతో అలవోక విజయాన్ని అందుకుంది.
You deserve it all and more @mandeeps12 😊😊#Dream11IPL pic.twitter.com/c5GRlWgU5q
— IndianPremierLeague (@IPL) October 26, 2020
మ్యాచ్‌లో అంతకముందు ఓపెనర్ శుభమన్ గిల్ (57: 45 బంతుల్లో 3×4, 4×6), కెప్టెన్ ఇయాన్ మోర్గాన్ (40: 25 బంతుల్లో 5×4, 2×6) మినహా కోల్‌కతా బ్యాట్స్‌మెన్‌లు తేలిపోవడంతో టాస్ ఓడి తొలుత బ్యాటింగ్ చేసిన ఆ జట్టు 9 వికెట్ల నష్టానికి 149 పరుగులే చేయగలిగింది. ఛేదనలో పంజాబ్ కెప్టెన్ కేఎల్ రాహుల్ (28: 25 బంతుల్లో 4×4) తక్కువ స్కోరుకే ఔటైనా.. గేల్-మన్‌దీప్ జోడీ రెండో వికెట్‌కి 100 పరుగుల భాగస్వామ్యం నెలకొల్పి టీమ్‌ని గెలిపించారు. పంజాబ్ టీమ్‌కి ఇది వరుసగా ఐదో గెలుపుకాగా.. 12 మ్యాచ్‌లాడి ఆరు విజయాలతో ఆ జట్టు పాయింట్ల పట్టికలో నాలుగో స్థానానికి దూసుకెళ్లింది. మరోవైపు 12వ మ్యాచ్ ఆడి ఆరో ఓటమిని చవిచూసిన కోల్‌కతా ఐదో స్థానానికి పడిపోయింది.