ఇప్పుడు పాన్ ఇండియా మార్కెట్ లో మన తెలుగు సినిమాలు ఎలాంటి డామినేషన్ కనబరుస్తున్నాయో అందరికీ తెలిసిందే. దీనితో ఎప్పుడో పాన్ ఇండియా మార్కెట్ లో పాగా వేసిన హిందీ సహా తమిళ్ చిత్రాలు వెనకబడిపోయాయి. దీనితో ఈ ఇండస్ట్రీలకి పాన్ ఇండియా రేంజ్ బ్లాక్ బస్టర్ కావాల్సి వచ్చింది.
అలా వచ్చిన కొన్ని మోస్ట్ అవైటెడ్ చిత్రాల్లో బాలీవుడ్ భారీ చిత్రం “బ్రహ్మాస్త్ర” అలాగే కోలీవుడ్ చిత్రం “పొన్నియిన్ సెల్వన్” చిత్రాలు కూడా ఒకటి. మరి బ్రహ్మాస్త్ర ని అయాన్ తెరకెక్కించారు. అలాగే పొన్నియిన్ ని అయితే తమిళ స్టార్ దర్శకుడు మణిరత్నం తన డ్రీం సినిమాగా తెరకెక్కించారు.
అయితే ఈ రెండు సినిమాలు కూడా సిమిలర్ గా ఒకేలాంటి ఫలితాన్ని అందుకున్నాయి. వసూళ్లు భారీ మొత్తంలోనే వచ్చాయి కానీ అనుకున్న రేంజ్ హిట్ గా ఈ రెండు సినిమాలు కూడా నిలవలేదు. దీనితో పాన్ ఇండియా వైడ్ యావరేజ్ ఫలితాన్నే రెండు సినిమాలు కూడా అందుకున్నాయి.
ఇక ఇప్పుడు అయ్యితే ఈ రెండు సినిమాలు కూడా ఓటిటి లో సందడి చేసేందుకు వచ్చేసాయి. అమెజాన్ ప్రైమ్ లో అయితే పొన్నియిన్ సెల్వన్, హాట్ స్టార్ లో బ్రహ్మాస్త్ర చిత్రాలు ఈరోజు నవంబర్ 4 నుంచి స్ట్రీమింగ్ కి వచ్చాయి. మరి రిలీజ్ సమయంలో మిస్ చేసినవారు అయితే ఈ సారి ఒకసారి చూసే విధంగానే ఇవి ఉంటాయి.