OTT Movie: ఇటీవల చిన్న సినిమాగా విడుదలై సంచలన విజయాన్ని అందుకుంది లిటిల్ హార్ట్స్. ప్రముఖ యూట్యూబర్ మౌళి తనూజ్ హీరోగా నటించిన ఈ సినిమాలో శివానీ నాగారం హీరోయిన్ గా నటించింది. సాయి మార్తాండ్ ఈ సినిమాకు దర్శకత్వం వహించారు. యూత్ ఫుల్ లవ్ ఎంటర్ టైనర్ గా మూవీ తెరకెక్కింది. రాజీవ్ కనకాల, ఎస్ ఎస్ కాంచి, సత్య కృష్ణన్, జయకృష్ణ తదితరులు ఇందులో ప్రధాన పాత్రలు పోషించారు. 90స్ మిడిల్ క్లాస్ బయోపిక్ వెబ్ సిరీస్ తో ఆకట్టుకున్న దర్శకుడు ఆదిత్య హసన్ నిర్మాతగా మారి లిటిల్ హార్ట్స్ సినిమాను నిర్మించారు.
ఇటీవల టీచర్స్ డే కానుకగా సెప్టెంబర్ 05న ఎలాంటి అంచనాలు లేకుండా థియేటర్లలో విడుదలైన ఈ సినిమా ఫస్ట్ షో నుంచే సూపర్ హిట్ టాక్ తెచ్చుకుంది. ముఖ్యంగా యూత్ ను ఈ మూవీ బాగా ఆకట్టుకుంటోంది. ఫ్యామిలీ ఆడియెన్స్ సైతం ఈ సినిమాను చూసేందుకు థియేటర్లకు పరుగులు తీస్తున్నారు. కేవలం రూ. 2 కోట్ల బడ్జెట్ తో తెరకెక్కిన ఈ లిటిల్ హార్ట్స్ మూవీ ఇప్పటివరకు రూ. 50 కోట్ల వరకు కలెక్షన్ రాబట్టింది. విజయ్ దేవరకొండ, మహేష్ బాబు, అల్లు అర్జున్, నాని, మంచు మనోజ్, అడివి శేష్, బండ్ల గణేశ్ తదితర స్టార్ హీరోలు, సినీ ప్రముఖులు సైతం లిటిల్ హార్ట్స్ సినిమాను చూసి ప్రశంసల వర్షం కురిపించారు. ఇప్పటికీ ఈ సినిమా థియేటర్లలో హౌస్ ఫుల్ కలెక్షన్లతో ఆడుతోంది.
అదే సమయంలో చాలా మంది ఈ సినిమాను ఓటీటీలో చూడాలని ఉవ్విళ్లూరుతున్నారు. ఈ క్రమంలో లిటిల్ హార్ట్స్ సినిమా అక్టోబర్ 02 నుంచి ప్రముఖ తెలుగు ఓటీటీ ప్లాట్ ఫామ్ ఈటీవీ విన్ లో స్ట్రీమింగ్ కానుందంటూ ప్రచారం జరుగుతోది. ఈ మేరకు సోషల్ మీడియాలో కొన్ని పోస్టులు కూడా వైరల్ అవుతున్నాయి. వీటిపై ఈటీవీ విన్ ఓటీటీ స్పందించింది. ఫేక్ పోస్టులు, వార్తలపై స్వీట్ వార్నింగ్ ఇచ్చింది. అక్టోబరు 2న లిటిల్ హార్ట్స్ సినిమా విడుదల అవుతుందంటూ ట్రెండ్ అవుతున్న ఫేక్ పోస్టర్ను పంచుకుంటూ ఇలా నకిలీ ప్రచార ఫొటోలను వ్యాప్తి చేస్తే, మీ ఫోను మీద ఒట్టే అంటూ తన దైన శైలిలో వార్నింగ్ ఇచ్చింది.
OTT Movie: విడుదలై మూడు వారాలు కూడా కాకముందే ఓటీటీలోకి బ్లాక్ బస్టర్ మూవీ.. అదేంటో తెలుసా?
