Nandamuri Heroine : నందమూరి ఫ్యామిలీ నుంచి హీరోగా పరిచయమయ్యాడు తారకరత్న. ‘ఒకటో నెంబర్ కుర్రాడు’గా తెలుగు తెరపై డెబ్యూ చేసిన ఈ నందమూరి బుల్లోడు హీరోగా చెప్పుకోదగ్గ సక్సెస్లు అందుకోలేకపోయాడు. ‘అమరావతి’ వంటి ఒకటీ అరా సక్సెస్లు మాత్రమే ఈయన ఖాతాలో వున్నాయ్.
హీరోగా సక్సెస్లు అందకపోయేసరికి విలన్గానూ ప్రూవ్ చేసుకున్నాడు. అయినా కానీ, కెరీర్ గాడిన పడలేదు. సరే ఆ విషయం పక్కన పెడితే, తారకరత్నతో ఓ సినిమాలో స్ర్కీన్ షేర్ చేసుకున్నహీరోయిన్ గురించి కొన్ని ఇంట్రెస్టింగ్ విషయాలు ఇప్పుడు మాట్లాడుకుందాం.
‘భద్రాది రాముడు’ సినిమాలో తారకతర్నసరసన హీరోయిన్గా నటించిన ముద్దుగుమ్మ గుర్తుందా.? పేరు కుట్టి రాధిక. ఆ తర్వాత ఈ ముద్దుగుమ్మ ‘అవతారం’ సినిమాలోనూ నటించి మెప్పించింది.
అయితే, ఈమె జస్ట్ నటి మాత్రమే కాదండోయ్. పేద్ద పొలిటికల్ బ్యాక్ గ్రౌండ్ వున్న భామ. కర్ణాటక ముఖ్యమంత్రి కుమారస్వామికి స్వయానా భార్య ఈ కుట్టి రాధిక. రాధికకూ, కుమార స్వామికీ మధ్య ఎఫైర్ వుందంటూ మొదట్లో ప్రచారం జరిగింది. ఆ ప్రచారాన్ని నిజం చేస్తూ, కుమారస్వామి, రాధికను భార్యగా ప్రకటించేశారు.
ఇక సినిమాల విషయానికి వస్తే, మొదటి నుంచీ ఆమెకు సినిమాలంటే అమితమైన ఇష్టమట. ఆ ఇష్టమే హీరోయిన్ అయ్యేలా చేసిందని చెబుతుంటుంది. కేవలం నటిగానే కాదు, నిర్మాతగానూ రాధిక కన్నడలో కొన్ని సినిమాలను రూపొందించింది. భవిష్యత్తుల్లో రాజకీయాల్లోనూ సత్తా చాటాలనుకుంటోందట ఈ కన్నడ కస్తూరి కుట్టి రాధిక.