ఐపీఎల్ టోర్నీ సమయం దగ్గరకి వస్తున్న సమయంలో ఢిల్లీ క్యాపిటల్స్ జట్టు ఆటగాళ్లు నిన్న రెండు బస్సుల్లో ముంబైలో కొలాబాలో ఉన్న తాజ్ ప్యాలెస్ హోటల్ కు చేరుకున్నారు. దీంతో ఆ బస్సులపై మహారాష్ట్ర నవనిర్మాణ సేన కార్యకర్తలు దాడి చేశారు.
ఇదంతా ఆ జట్టును ఉద్దేశించి చేసింది కాదని.. కేవలం బయట రాష్ట్రాలకు చెందిన వారి బస్సులను అద్దెకు తీసుకోవడం వల్ల ఇక్కడి స్థానికులకు ఉపాధి పోతుందన్న ఉద్దేశంతో అలా చేశామని ఆ సేన నేత సంజయ్ నాయక్ తెలిపాడు. అందుకే దాని మీద నిరసన తెలిపేందుకు దాడి చేశామని అన్నాడు. ఇదివరకు చాలా సార్లు చెప్పామని.. అయినా కూడా ఇతర రాష్ట్రాల బస్సులు అనుమతించడం వల్ల ఇలా జరిగిందని తెలిపాడు.