Gallery

Home News కరోనా అంటే భయం లేదు.. లిక్కర్ దొరకదంటే మాత్రం భయమే.!

కరోనా అంటే భయం లేదు.. లిక్కర్ దొరకదంటే మాత్రం భయమే.!

No Corona Fear For Liquor Fans

మద్యపానం హానికరం.. అని ఎంతలా ప్రచారం చేస్తున్నా మద్యపాన ప్రియులు మాత్రం దాన్ని లెక్క చేయరు. మద్యపానం వల్ల కలిగే ఇబ్బందుల గురించి ప్రచారం చేయడం కోసం పెద్దయెత్తున ఖర్చు చేసే ప్రభుత్వాలు, మద్యాన్ని మాత్రం నియంత్రించలేవు, నిషేధించలేవు. దానిక్కారణం అందరికీ తెలిసిందే.. మద్యం అమ్మకాల ద్వారా వచ్చే ఆదాయం ప్రభుత్వాల ఖజానాలకు అత్యంత కీలకం. అంటే, జనం ప్రాణాలు తీసే మద్యం, ప్రభుత్వాలకు ప్రధాన ఆదాయ వనరు అన్నమాట. మద్యపానం చేసేవారికి కరోనా ముప్పు చాలా చాలా ఎక్కువని పలు అధ్యయనాలు చెబుతున్నాయి. అయినా, కరోనా కష్ట కాలంలో ప్రభుత్వాలు మద్యాన్ని నియంత్రించలేకపోతున్నాయి.. నిషేధించలేకపోతున్నాయి.

అంత్యక్రియలకైతే పది మంది మాత్రమే.. పెళ్ళికి అయితే 20 మంది మాత్రమే.. అని రూల్స్ పాస్ చేస్తున్న ప్రభుత్వాలు, మద్యం దుకాణాల వద్ద గుమికూడేవారి విషయంలో పరిమితులు విధించడంలేదు. అక్కడ ఎలాంటి సోషల్ డిస్టెన్స్ పాటించకపోయినా చర్యలుండవు. అసలక్కడ మాస్కులు ధరించేవారే కనిపించరు. ఇక, తెలంగాణలో రేపటి నుంచి లాక్ డౌన్ అమల్లోకి రానున్న దరిమిలా, ఎక్కడికక్కడ మద్యం దుకాణాల వద్ద మందుబాబులు పోటెత్తారు. తోపులాటలు చోటు చేసుకుంటున్నాయి. వారిని అదుపు చేయడం మద్యం దుకాణాల నిర్వాహకుల వల్ల కావడంలేదు. ఆయా మద్యం దుకాణాల నిర్వాహకులు ప్రైవేటు సిబ్బందిని పెట్టుకుని మరీ వారిని అదుపు చేసేందుకు ప్రయత్నిస్తున్నారు. దేశంలో కొన్ని రాష్ట్రాల్లో లాక్ డౌన్ నేపథ్యంలో మద్యాన్ని ఆన్‌లైన్ ద్వారా డోర్ డెలివరీ చేసే అవకాశాన్ని కల్పిస్తుండడమంటే, మద్యం అమ్మకాలపై ఆయా ప్రభుత్వాలకెంత మమకారమో అర్థం చేసుకోవచ్చు. ఇక, కరోనా అంటే మందుబాబులకి భయం లేదు.. అదే మద్యం దొరకదంటే మాత్రం భయంతో వణికిపోతారు. అలా మద్యం కోసం మందుబాబులు ఎగబడటమే ప్రభుత్వాలకీ అవసరం.. ఎందుకంటే, ఖజానా నిండాలి కదా.

- Advertisement -

Related Posts

Sonu Sood: ఐఫోన్ అడిగిన నెటిజన్..! దిమ్మతిరిగే రిప్లై ఇచ్చిన సోనూసూద్

Sonu Sood: గతేడాది కరోనా సమయంలో మొదలైన సోనూసూద్ దాతృత్వం ఇప్పటికీ.. సెకండ్ వేవ్ లో కూడా కొనసాగుతూనే ఉంది. కాలినడకన పయనమైన వలస కూలీలను బస్సుల్లో స్వస్థలాలకు చేరవేయడమే కాదు.. తన...

Biscuit Packet: రిమోట్ కారు ఆర్డరిస్తే.. బిస్కట్ ప్యాకెట్ వచ్చింది..! కస్టమర్ ఏం చేశాడంటే..

Biscuit Packet: ప్రస్తుతం అంతా ఆన్ లైన్ యుగం. టిఫిన్, భోజనం, నిత్యావసరాలు, దుస్తులు, ఇంట్లో టీవీ, వంటింట్లో ఫ్రిజ్, బాత్ రూమ్ లో గ్రీజర్, బెడ్ రూమ్ లో మంచం, హాల్లో...

తెలుగు రాష్ట్రాల మధ్య నీటి యుద్ధం.. పార్టీల మధ్యనా.? ప్రభుత్వాల మధ్యనా.?

ఆంధ్రపదేశ్, తెలంగాణ రాష్ట్రాల మధ్య నీటి యుద్ధం ఇంకోసారి భగ్గుమంది. రాజకీయ నాయకులు మాట మీద అదుపు కోల్పోతున్నారు. తెలంగాణ నుంచే దూకుడుగా అనవసరపు మాటలు వస్తున్నాయి. ఆంధ్రపదేశ్ నుంచి కాస్త సంయమనమే...

Latest News