‘ఏజెంట్’ కు లైన్ క్లియర్ అయ్యిందిగా.!

అక్కినేని అందగాడు అఖిల్ ‘మోస్ట్ ఎలిజిబుల్ బ్యాచిలర్’ సినిమాతో సూపర్ సక్సెస్ అందుకున్నాడు. ఇక ఇదే ఉత్సాహంతో తదుపరి ప్రాజెక్టులపైనా ఫోకస్ పెట్టనున్నాడు. ఆల్రెడీ వెర్సటైల్ డైరెక్టర్ సురేందర్ రెడ్డి దర్శకత్వంలో అఖిల్ ‘ఏజెంట్’ అనే సినిమా చేస్తున్న సంగతి తెలిసిందే.

ఈ సినిమా కోసం డిఫరెంట్ మేకోవర్‌లోకి అఖిల్ మారిపోయాడు. చూజాయగా ‘బ్యాచ్‌లర్’ ప్రమోషన్స్‌లో ఆ లుక్స్‌తోనే కనిపిస్తున్నాడు అఖిల్. ఇకపోతే, ‘బ్యాచిలర్’ ఇచ్చిన సక్సెస్‌తో ఈ సినిమాకి బాగా ఊతమొచ్చింది. సురేందర్ రెడ్డి సినిమా అంటే ఆషా మాషీ కాదు. ఆల్రెడీ సక్సెస్ కొట్టిన జోష్‌లో ఉన్నాడు.

ఇదే స్పీడుతో ‘ఏజెంట్’ పూర్తి చేసి, ప్రేక్షకుల మనసులో దక్కించుకున్న ఈ స్థానాన్ని మరింత బలంగా మార్చుకోవాలనుకుంటున్నాడట అఖిల్. ‘బ్యాచ్‌లర్’ పార్టీలన్నీ కంప్లీట్ చేసుకుని ఇక ‘ఏజెంట్‌’‌ కోసం కంప్లీట్‌గా టైమ్ కేటాయించాలనుకుంటున్నాడట.

సురేందర్ రెడ్డి సినిమాల్లో హీరో చాలా స్టైలిష్ లుక్స్‌లో కాన్ఫిడెంట్‌గా కనిపిస్తాడు. ‘బ్యాచిలర్’ ఇచ్చిన ఎనర్జీ ఆ కాన్ఫిడెన్స్‌ని అఖిల్ నరనరాలా నింపేసింది. ఇంకేముంది.. ‘ఏజెంట్’తో మరో సక్సెస్‌నీ అఖిల్ బాబు తన ఖాతాలో వేసేసుకుంటాడేమో. రెడీ టు యాక్షన్.