JC Prabhakar Reddy: తాడిపత్రి మున్సిపల్ చైర్మన్ జెసి ప్రభాకర్ రెడ్డి వైయస్సార్ కాంగ్రెస్ పార్టీకి చెందిన యువనేత బైరెడ్డి సిద్ధార్థ రెడ్డి గురించి మాట్లాడుతూ సంచలన వ్యాఖ్యలు చేశారు. బైరెడ్డి సిద్ధార్థ రెడ్డి వైఎస్ఆర్ కాంగ్రెస్ నాయకుడిగా ఎంతో యాక్టివ్ గా ఉంటూ నిత్యం కూటమినేతల పై విమర్శలు కురిపిస్తూనే ఉన్నారు. ఇకపోతే తాజాగా జెసి ప్రభాకర్ రెడ్డి బైరెడ్డి సిద్ధార్థ రెడ్డి గురించి మాట్లాడుతూ సంచలన వ్యాఖ్యలు చేశారు.
గతంలో బైరెడ్డి మాజీ ఎమ్మెల్యే కేతిరెడ్డి పెద్దారెడ్డి పాదయాత్ర సందర్భంగా పెద్దపప్పూరులో అతడు చేసిన వ్యాఖ్యలను గుర్తు చేస్తూ.. నువ్వు మా ఊరికి వచ్చి నా గురించి మాట్లాడావు.. నేను మీ ఊరికి వచ్చి మాట్లాడలేనా అనుకుంటున్నావా? అంటూ మండిపడ్డారు. ఈ వ్యాఖ్యల పట్ల జెసి ప్రభాకర్ రెడ్డి స్పందించారు.ఇక, రప్పా రప్పా, రాత్రిపూట కన్ను ఎగిరేస్తే ఎలా ఉంటుందో నీకు (బైరెడ్డి సిద్ధార్థ రెడ్డి) తెలుస్తుంది అని టీడీపీ నేత జేసీ ప్రభాకర్ రెడ్డి చెప్పుకొచ్చారు. నీలాంటి భాష మేము మాట్లాడితే ప్రజలు ఒప్పుకోరని జెసి తెలిపారు.
నువ్వు బండ బూతులు మాట్లాడొచ్చు కానీ నీకంటే ఎక్కువగా నేను కూడా మాట్లాడగలను నీ స్టైల్ ఏంటో తెలుసు.నీలాంటి వాళ్లని ఎంతో మందిని చూశాను.. నా గడ్డం, నా నెత్తి సరిపోదు పోల్చడానికి అన్నారు. అలాగే, నువ్వు ఇవ్వన్నీ తగ్గించుకుంటే బాగుంటుంది.. నువ్వు యువకుడివి నీకుచాలా మంచి భవిష్యత్తు ఉందంటూ జెసి ప్రభాకర్ రెడ్డి సిద్ధార్థ రెడ్డి గురించి చేసిన ఈ వ్యాఖ్యలు స్థానిక రాజకీయాలలో సంచలనంగా మారాయి. మరి జెసి వ్యాఖ్యలపై బైరెడ్డి స్పందన ఎలా ఉంటుందనేది తెలియాల్సి ఉంది.