సినిమా ఇండస్ట్రీలో ప్రతి కాంబినేషన్ కలయిక వెనుక చిత్రవిచిత్రమైన కారణాలు ఉంటాయి. జూనియర్ ఎన్టీఆర్ రాజమౌళి కాంబినేషన్ లో నాలుగు సినిమాలు తెరకెక్కగా ఒక సినిమాను మించి మరొకటి ఘన విజయాన్ని సొంతం చేసుకున్నాయి. ఈ ఇద్దరి కాంబినేషన్ లో తెరకెక్కిన తొలి సినిమా స్టూడెంట్ నంబర్ 1 అనే సంగతి తెలిసిందే. స్టూడెంట్ నంబర్ 1 సినిమా వెనుక ఆసక్తికర కథ ఉంది.
మొదట జూనియర్ ఎన్టీఆర్ తో సినిమా చేయనని రాజమౌళి కామెంట్లు చేశారు. ఎన్టీఆర్ లుక్స్ నచ్చకపోవడం, తన మనసులోని ఊహలకు భిన్నంగా ఎన్టీఆర్ ఉండటంతో జక్కన్న ఈ తరహా అభిప్రాయాన్ని వ్యక్తం చేశారు. స్టూడెంట్ నంబర్ వన్ సినిమా షూట్ మొదలైన తర్వాత కొన్నిరోజుల పాటు రాజమౌళి ముభావంగా ఉన్నారని సమాచారం అందుతోంది. అయితే ఆ తర్వాత జక్కన్న తారక్ నటనను చూసి షాకయ్యారు.
ఈ ఇద్దరి కాంబినేషన్ లో తెరకెక్కిన స్టూడెంట్ నంబర్1 సినిమాకు అశ్వనీదత్ నిర్మాతగా వ్యవహరించడం రాఘవేంద్రరావు దర్శకత్వ పర్యవేక్షణ చేయడంతో ఈ సినిమాపై రిలీజ్ కు ముందే భారీ అంచనాలు ఏర్పడ్డాయి. ఆ అంచనాలకు అనుగుణంగా భారీ బడ్జెట్ తో తెరకెక్కిన ఈ సినిమా బాక్సాఫీస్ వద్ద బ్లాక్ బస్టర్ హిట్ గా నిలిచింది.
రూ.2 కోట్ల బడ్జెట్ తో ఈ సినిమా తెరకెక్కగా 12 కోట్ల రూపాయల షేర్ కలెక్షన్లను ఈ సినిమా సొంతం చేసుకుంది. చాలా రోజుల పాటు బాక్సాఫీస్ వద్ద స్టూడెంట్ నంబర్ 1 సినిమా హవా కొనసాగింది. నిన్ను చూడాలని, స్టూడెంట్ నంబర్1, సుబ్బు ఒకే ఏడాది రిలీజ్ కాగా ఈ సినిమాలలో స్టూడెంట్ నంబర్ 1 మినహా మిగతా సినిమాలన్నీ ఫ్లాప్ అయ్యాయి.