RRR New Release Date : పాన్ ఇండియన్ వైడ్ భారీ అంచనాలు నెలకొల్పుకున్న చిత్రాల్లో దర్శక ధీరుడు ఎస్ ఎస్ రాజమౌళి తెరకెక్కించిన బిగ్ బడ్జెట్ పాన్ ఇండియన్ సినిమా ట్రిపుల్ ఆర్(RRR) కూడా ఒకటి. అయితే ఈ సినిమా ఈ ఏడాదిలోనే రిలీజ్ కావాల్సి ఉన్న సంగతి తెలిసిందే. ఇంకా చెప్పాలంటే నిజానికి ఎప్పుడో రిలీజ్ కావాల్సి ఉన్న సినిమా ఇది.
అలా వాయిదాల మీద వాయిదాలు పడుతూ ఈ ఏడాది రిలీజ్ అవుతుంది అనుకున్న కరోనా మూడో వేవ్ షాకిచ్చింది. అయితే ఈ వాయిదాతో బాగా డీలా పడిపోయిన అభిమానులు కొత్త రిలీజ్ ఎప్పుడెప్పుడా అని ఆసక్తిగా ఎదురు చూస్తున్నారు. మరి ఈ ఎదురు చూపులకి గాను ఇండస్ట్రీ నుంచి గట్టి బజ్ ఒకటి ఇప్పుడు వినిపిస్తుంది.
తాజాగా అయితే ఒకవేళ ఇప్పుడు పరిస్థితులు గాని సెట్టయితే వచ్చే ఏప్రిల్ చివరిలో రిలీజ్ చెయ్యాలని చూస్తున్నారట. మరి దీనికి డేట్ కూడా ఫిక్స్ అయ్యిందని తెలుస్తుంది. ఏప్రిల్ 29న అయితే ఈ సినిమాకి పర్ఫెక్ట్ గా ఉంటుందని చిత్ర బృందం అనుకుంటున్నారట. మరి దీనిలో ఎంత వరకు నిజముందో తెలియాలి అంటే ఇంకొన్ని రోజులు ఆగక తప్పదు.