God Father : అసలు ఈ ఏడాది మెగా ఫ్యాన్స్ కి అంత గొప్పగా చెప్పుకొనే ఏడాదిలా లేదని చెప్పాలి. ఒక్క పవన్ అభిమానులు మినహా మిగతా హీరోలకి కోలుకోలేని దెబ్బలే తగిలాయి. అయితే మెగాపవర్ స్టార్ రామ్ చరణ్ తన భారీ సినిమా ట్రిపుల్ ఆర్(RRR) తో ఎంత పెద్ద విజయాన్ని అయితే అందుకున్నాడో దానికి మించిన భారీ ప్లాప్ ని కొరటాల శివ తో చేసిన చిత్రం “ఆచార్య”తో అందుకున్నాడు.
ఇక ఆ సినిమా మెయిన్ హీరో మెగాస్టార్ కోసం చెప్పాల్సిన పని లేదు. తన కెరీర్ లోనే ఒక ఘోరమైన డిజాస్టర్ గా ఈ సినిమా నిలిచిపోయింది. దీనితో మళ్లీ మెగాస్టార్ రేంజ్ భారీ హిట్ ఈ నెక్ట్స్ వచ్చే సినిమాల తో అందుకోవాలని మెగా ఫ్యాన్స్ ఆసక్తి గా ఎదురు చూస్తున్నారు. అయితే మెగాస్టార్ చేస్తున్న లేటెస్ట్ సినిమాల్లో ఈ ఏడాదిలోనే రిలీజ్ అయ్యేందుకు ఓ సినిమా రెడీగా ఉంది. ఆ సినిమానే “గాడ్ ఫాథర్”.
దర్శకుడు మోహన్ రాజా చాలా శ్రద్ధగా చేస్తున్న ఈ సినిమాతో చిరు హిట్ అందుకుంటారని అంతా అనుకుంటున్నారు. అయితే గత కొన్ని రోజులు కితం ఈ సినిమా రిలీజ్ కి సంబంధించి ఓ అప్డేట్ వైరల్ అయ్యింది. దాని ప్రకారం అయితే ఈ ఏడాది ఆగస్ట్ 11 లేదా 12న రిలీజ్ చేస్తారని టాక్ వచ్చింది. అయితే ఇప్పుడు వాటిలో చిత్ర బృందం 12వ తేదీని కన్ఫర్మ్ చేసినట్టు తెలుస్తోంది.
ప్రస్తుతం ఇండస్ట్రీ వర్గాలలో ఇదే టాక్ గట్టిగా వినిపిస్తోంది. ఇక దీనిపై అధికారిక అప్డేట్ ఎప్పుడు వస్తుందో చూడాలి. ఇంకా ఈ సినిమాలో నయనతార హీరోయిన్ గా నటించగా సత్యదేవ్ తదితరులు కీలక పాత్రల్లో నటిస్తున్నారు. అలాగే థమన్ సంగీతం అందిస్తున్న ఈ సినిమాని కొణిదెల ప్రొడక్షన్స్ వారు నిర్మిస్తున్నారు.