నటీనటులు: ఆనంద్ దేవరకొండ, అభిషేక్ బెనర్జీ, మానస రాధాకృష్ణన్, సయామి ఖేర్
దర్శకత్వం : కేవీ గుహన్
నిర్మాతలు: వెంకట్ తలారి
సంగీత దర్శకుడు: సైమన్ కె కింగ్
విజయ్ దేవరకొండ తమ్ముడు ఆనంద్ ఇంతకముందు ‘మిడిల్ క్లాస్ మెలోడీస్’, ‘దొరసాని’, ‘పుష్పక విమానం’ లాంటి సినిమాలతో అలరించాడు. ఆ సినిమాలు పెద్ద హిట్ కాకపోయినా…ఓ మాదిరి రేంజ్ లో ఆడాయి. కొంత గ్యాప్ తర్వాత ‘హైవే’ అనే సినిమాతో ముందుకొచ్చాడు. అయితే ఈ సినిమా మాత్రం ఓటిటి లో రిలీజ్ అయ్యింది. ఈ సినిమా ఎలా ఉందొ చూద్దాం.
కథ :
విష్ణు (ఆనంద్ దేవరకొండ) ఒక ఫోటోగ్రాఫర్. ఉద్యోగం కోసం అని బెంగళూర్ కి బయలుదేరుతాడు. మరోపక్క మన హీరోయిన్ తులసి (మానస రాధాకృష్ణన్) తన తల్లితో పాటు ఓ పౌల్ట్రీ ఫామ్ లో పనిచేస్తుంది. కానీ అక్కడ తన ఓనర్ వేధింపులు భరించలేక అక్కడ నుంచి పారిపోతుంది.. అలాగే మరో పక్క ఓ సీరియల్ కిల్లర్ డి అలియాస్ దాస్(అభిషేక్ బెనర్జీ) వరుసగా 5 హత్యలు చేసి తప్పుంచుకుని తిరుగుతూ ఉంటాడు. అందులో అతను ఆడవాళ్లను మాత్రమే చంపుతాడు.
ఈ సీరియల్ కిల్లర్ ని ఎలాగైనా పట్టుకుని తీరాలని పోలీసులు తీవ్రంగా గాలిస్తూ ఉంటారు. పోలీసులనుండి తప్పించుకునే ప్రయత్నంలో అటు దాస్, తులసి లు ఇటు ఈ సైకో.. మరి ఈ ముగ్గురు ఎక్కడైనా కలుసుకుంటారా ? కలుసుకుంటే ఆ సైకో కిల్లర్ ఏం చేస్తాడు? ఇంతకీ పోలీసులు అతన్ని పట్టుకుంటారా లేదా అనేది ఈ సినిమాలో లో చూడాల్సిందే.
ప్లస్ పాయింట్స్ :
ఈ సినిమాలో ఆకట్టుకునే అంశాలు చాలా ఉన్నాయని చెప్పొచ్చు.. మొత్తం సినిమా మూడు ప్రధాన పాత్రల మీద నడుస్తుంది. హీరో హీరోయిన్ అలాగే కిల్లర్ పాత్రలు ఆకట్టుకుంటాయి. దర్శకుడు వీటిని బాగా డిజైన్ చేశారు.
హీరో ఆనంద్ దేవరకొండ, హీరోయిన్ మానస రాధా కృష్ణన్ బాగా నటించారు. మరో సారి ఆనంద్ నుంచి తెలుగు ప్రేక్షకులకు మంచి సినిమా వచ్చింది. తాను ఇంతకు ముందు చేసిన వాటికన్నా మంచి మెచ్యూర్ రోల్ లో తాను కనిపించదు.
హీరోయిన్ తన క్యూట్ లుక్స్ సహా నటనతో కూడా ఆకట్టుకుంది. అలాగే విలన్ అభిషేక్ బెనర్జీ అయితే తన సైకో పాత్రలో ఇంటెన్స్ పెర్ఫామెన్స్ ని చూపించాడు. తనదైన మ్యానరిజమ్స్.. నటనతో థ్రిల్ చేసాడు.
మైనస్ పాయింట్స్ :
ఈ సినిమాలో చాలా సన్నివేశాలు లాజికల్ గా బాగానే అనిపిస్తాయి కానీ కొన్ని సీన్స్ విషయంలో మాత్రం లాజిక్స్ మిస్ అవ్వడంతో మాత్రం అవి ఇరికించినట్టుగా అనిపిస్తుంది.
ఇంటరెస్టింగ్ గా సాగిపోతున్న థ్రిల్లర్ లో పాటలు ఒక ఆటంకంగా ఉన్నాయి. కావాలని పాటల్ని పెడితే అవి ఏమాత్రం వర్కౌట్ కావు సరిగ్గా ఈ సినిమాలో కూడా అదే జరిగింది.
తీర్పు :
ఇక మొత్తంగా చూసినట్టు అయితే ఈ “హై వే” సినిమాలో థ్రిల్లింగ్ ఎలిమెంట్స్ చాలానే ఉన్నాయి. అలాగే మూడు చరక్టర్లు కి సంబంధించి స్టార్ట్ ఎండ్ ఉంటాయి. కాకపోతే కొన్ని చోట్ల మాత్రం స్టోరీ నెమ్మదిగా నడపడం, ఇంకొన్ని చోట్ల చిన్నపాటి లాజిక్స్ మిస్సవ్వడం వంటివి ఫ్లో ని దెబ్బ తీస్తాయి. వీటిని పక్కన పెడితే ‘హైవే’ ఓ డీసెంట్ థ్రిల్లర్.