Big Boss- winner-Sunny: 19 మంది కంటెస్టెంట్ ల తో ఎంతో అంగరంగ వైభవంగా ప్రారంభమైన బిగ్ బాస్ సీజన్ ఫైవ్ కార్యక్రమం డిసెంబర్ 19 ఆదివారం సాయంత్రం అంతే అంగరంగ వైభవంగా ముగిసింది. 19 మంది కంటెస్టెంట్ లు అడుగు పెట్టిన బిగ్ బాస్ హౌస్ లో సన్నీ విజేతగా నిలబడి బిగ్ బాస్ ట్రోఫీ అందుకున్నారు. టాప్ ఫైవ్ లో సిరి, మానస్, శ్రీ రామచంద్ర, షణ్ముఖ్, సన్నీ ఉండగా వీరిలో రన్నర్ గా షణ్ముఖ్ జస్వంత్, విన్నర్ గా సన్నీ నిలబడ్డారు. బిగ్ బాస్ ట్రోఫీ అందుకున్న సన్నీ ఎంతో సంతోషం వ్యక్తం చేశారు.
బిగ్ బాస్ విన్నర్ గా సన్నీ నిలవడంతో ఆయన అభిమానులు ఎంతో ఆనందం వ్యక్తం చేస్తున్నారు. ఇదిలా ఉండగా విన్నర్ సన్నీ ఎంత సంపాదించారు అనే విషయం ప్రస్తుతం సోషల్ మీడియాలో చర్చనీయాంశం గా మారింది. ఇక బిగ్ బాస్ విజేతగా నిలబడిన సన్నీ దాదాపు కోటి రూపాయల పైనే సంపాదించినట్లు తెలుస్తోంది. బిగ్ బాస్ ట్రోఫీతో పాటు 50 లక్షల రూపాయల ప్రైస్ మనీ అందుకున్నారు.
అదేవిధంగా షాద్ నగర్ లో 300 చదరపు అడుగులు 25 లక్షల విలువచేసే సువర్ణభూమి ఇన్ఫ్రాస్ట్రక్చర్ ఫ్లాట్ అందుకున్నారు. అదేవిధంగా టీవీఎస్ బైక్ బహుమతి గా గెలిచారు. మార్కెట్లో ఈ బండి ధర సుమారు లక్షన్నర పైగా ఉంది. ఇది బిగ్ బాస్ విన్నర్ గా సన్నీ అందుకున్న కానుకలు.ఇక 15 వారాలపాటు బిగ్ బాస్ హౌస్ లో ఉండి ప్రేక్షకులను ఎంటర్టైన్ చేసినందుకుగాను బిగ్ బాస్ నిర్వాహకులు సన్నీకి ఏకంగా 25 లక్షల రూపాయలు పారితోషికం అందించినట్లు సమాచారం.ఈ లెక్కన చూస్తే బిగ్ బాస్ విజేతగా నిలిచినందుకు సన్నీ దాదాపు కోటి రూపాయల పైన గెలుచుకున్నారని తెలుస్తోంది.