Health News: చాలామంది డిమ్ లైట్ లో నిద్రపోయే అలవాటు ఉంది. అయితే కొంతమందికి ఇలా డిమ్ లైట్లో నిద్ర పోవడం తప్పు అని తెలిసినా కూడా వాటిని పెడచెవిన పెడుతూ ఉంటారు. అయితే ఇలా డిమ్ లైట్లో నిద్రపోయే వారికి ఒక షాకింగ్ న్యూస్. అదేమిటంటే.. తాజాగా ఒక అధ్యయనం ప్రకారం టెలివిజన్ లైట్, నైట్ లైట్ అలాగే డిమ్ లైట్లో నిద్ర పోవడం వల్ల శరీరంలోని రక్తంలో చక్కెర స్థాయి పెరగడం తో పాటుగా హృదయ స్పందన రేటు కూడా పెరుగుతుంది అని తేలింది. ఆ లైట్ నుంచి వచ్చే కాంతి మన శరీరంలోని జీవక్రియలను నిర్వహించడానికి సహకరిస్తుంది. అదేవిధంగా ఈ హార్మోన్ విడుదల వంటి జీవ సంబంధమైన విధులను సమన్వయం చేస్తుంది. అయితే రాత్రి సమయాలలో బెడ్ లైట్ మన సిర్కాడియన్ రిథమ్ ను విచ్చిన్నం చేయడంతో పాటు విశ్రాంతికి విఘాతం కలిగిస్తుంది. రాత్రి సమయాలలో బెడ్ లైట్ కాంతి మన శరీరంపై తీవ్ర ప్రభావం చూపుతుందని కొత్త పరిశోధనలలో వెల్లడైంది.
నేషనల్ అకాడమీ ఆఫ్ సైన్సెస్ ప్రొసీడింగ్స్ నివేదిక ప్రకారం శాస్త్రవేత్తలు 19 నుంచి 36 సంవత్సరాల వయస్సు గల 20 మంది పై రెండు రోజులు పరిశోధనలు జరిపగా,మొదటి రాత్రి వాలంటీర్లు చీకటి గదిలో నిద్రించారు. రెండవ రాత్రి డిమ్ లైట్ లో నిద్రించారు. ఈ పరిశోధనల్లో పాల్గొనే వారందరికీ నిద్ర నాణ్యతకు సంబంధించిన వివిధ స్థాయిలను కొలిచే పరికరాలను కనెక్ట్ చేసి ప్రతీ పరికరాన్ని IV ట్యూబ్తో అనుసంధానించారు. అవి నిద్రపోతున్నప్పుడు రక్తాన్ని పరీక్షిస్తాయి. పరిశోధకులు వ్యక్తిని నిద్ర లేపకుండానే నమూనాలను సేకరించడానికి వీలు ఉంటుంది. ఈ అధ్యయనంలో భాగంగా పరిశోధకులు హృదయ స్పందన రేటు, మెదడు స్పందన తీరును, హార్మోన్ల స్థాయిలను కూడా నమోదు చేశారు. మెదడు తరంగాలను రికార్డ్ చేసాం.
దీన్ని బట్టి వ్యక్తి ఏ నిద్ర దశలో ఉన్నాడో చెప్పగలం అని నార్త్వెస్టర్న్ యూనివర్శిటీ ఫెయిన్బెర్గ్ స్కూల్ ఆఫ్ మెడిసిన్ అధ్యయనకారులు ఫిల్లిస్ జీ తెలిపారు. అలాగే పడుకున్న వారి శ్వాసను, వారి హృదయ స్పందన రేటు, వారి ఈకేజీ ని రికార్డ్ చేసామని తెలిపారు. వారు నిద్రిస్తున్నప్పుడు మెలటోనిన్ స్థాయిలను కొలవడానికి వారి నుండి రక్తాన్ని కూడా తీసుకున్నాం అని చెప్పారు. ఈ పరిశోధన బృందం రెండు వేర్వేరు పద్ధతులను ఉపయోగించి వారి రక్తంలో చక్కెర స్థాయిలను పరీక్షించింది. ఒకటి మేల్కొన్న తర్వాత వ్యక్తి గ్లూకోజ్, ఇన్సులిన్ స్థాయిలను రికార్డ్ చేశాం. మరొకటి ప్రజలకు గ్లూకోజ్ మోతాదును ఇవ్వడం, వారి ఇన్సులిన్ ప్రతిస్పందనను రికార్డ్ చేశాం అని తెలిపారు. డిమ్ లైట్లో పడుకున్న వారిలో 25 శాతం ఎక్కువ ఇన్సులిన్ స్థాయిలను కలిగి ఉన్నారు. డిమ్ లైట్లో నిద్రించిన వారు గాఢ నిద్రను ఆస్వాధించలేకపోయారని, వారిలో అధిక హృదయ స్పందన రేటు నమోదైనట్లు పరిశోధకులు పేర్కొన్నారు. ఇక చీకటిలో గదిలో నిద్రించే వారి రక్తంలో షుగర్ లెవల్స్లో పెద్దగా తేడా లేనట్లు గుర్తించామన్నారు. అందుకే డిమ్ లైట్లో నిద్రించే వారు. స్లీప్ మాస్క్ని ధరించాలని పరిశోధకులు సిఫారసు చేస్తున్నారు. ఒకవేళ మీకు లైట్ అవసరం అయితే, ఆలైట్ ను బెడ్ స్థాయిలో ఏర్పాటు చేసుకోవాలని సూచిస్తున్నారు.