Pregency Dite:ఇంట్లో పిల్లలు ఉంటే ఆ సంతోషమే వేరే విధంగా ఉంటుంది. వివాహమైన ప్రతి ఒక్కరూ పిల్లల కోసం ఎదురుచూస్తూ ఉంటారు. అయితే ఈరోజుల్లో ఇది అందరికీ నెరవేరడం లేదు. ప్రస్తుత కాలంలో మారుతున్న లైఫ్ స్టైల్, ఆహార అలవాట్లు, వంటి ఇతర కారణాల వల్ల పిల్లలు పుట్టడం చాలా కష్టతరంగా మారింది. ఫిట్ గా ఉంటే అనారోగ్య సమస్యలు దరిచేరవు. గర్భధారణ పొందాలి అనుకునే ఆడవారు విటమిన్లు, పోషకాలు ఉన్న ఆరోగ్యకరమైన ఆహారాన్ని తీసుకోవడం వల్ల మంచి ఫలితాలు ఉంటాయి. గర్భం దాల్చడానికి విటమిన్ బి12, ఫోలిక్ యాసిడ్, ఒమేగా -3 ఫ్యాటీ యాసిడ్స్ ఉండే ఆహారపధార్థలు తీసుకోవడం శ్రేయస్కరం అని అధ్యయనాలు చెపుతున్నాయి.
పాలు, పాల పదార్థాలు: పాలు పాల పదార్థాలు ఆరోగ్యానికి చాలా ముఖ్యమైనవి అని మనకు తెలుసు. వీటిని తీసుకోవడం వల్ల శరీరంలో FHS, LH అనే హార్మోనుల ఉత్పత్తి పెరుగుతుంది. ఇవి సంతానోత్పత్తి అవకాశాల్ని మెరుగుపరుస్తాయి.
సిట్రస్ ఫ్రూట్స్ : విటమిన్ సి అధికంగా ఉండే ఆహారం తీసుకోవడం వల్ల త్వరగా గర్భధారణ పొందుతారు. సిట్రస్ ఫ్రూట్స్ లో విటమిన్ సి ఎక్కువగా ఉంటుంది. ఇది మహిళల యొక్క ప్రత్యుత్పత్తి ని వేగవంతం చేసి గర్భధారణను పొందే అవకాశాన్ని పెంచుతుంది.
వాల్ నట్స్: నట్స్ తీసుకోవడం వల్ల శరీరానికి, ఆరోగ్యానికి ఎంతో మేలు కలుగుతుంది. వాల్ నట్స్ లో శరీరానికి మేలు చేసే ఫైబర్ అధికంగా ఉంటుంది. వాల్ నట్స్ లో ఒమేగా 3 ఫ్యాటీ యాసిడ్స్, మెగ్నీషియం వంటివి ఉంటాయి .ఇవి తీసుకోవడం వల్ల ప్రెగ్నెన్సీలో వచ్చే సమస్యలు తగ్గుతాయి. నట్స్ ను రోజు మి డైట్ లో భాగం చేసుకోవడం వల్ల అనేక ఆరోగ్య ప్రయోజనాలు కలుగుతాయి.
ప్రాసెస్ చేసిన మాంసం, స్వీట్స్, కూల్ డ్రింక్స్ వంటి వాటిని తీసుకోవడం వల్ల గర్భధారణ పై ప్రతికూల ఫలితాలు ఉంటాయని అధ్యయనాలు చెపుతున్నాయి. యాంటీ ఆక్సిడెంట్స్, పాల పదార్థాలు, కెఫీన్, విటమిన్ డి, సోయా, ఆల్కహాల్ సంతానోత్పత్తి పై తక్కువ ప్రభావం చూపుతాయి అని తేలింది.
సంతానోత్పత్తి మహిళలు , పురుషుల ఇద్దరి మీద కూడా ఆధారపడి ఉంటుంది. కాబట్టి పైన చెప్పిన డైట్ పురుషులు కూడా పాటించడం వల్ల త్వరగా సత్ఫలితాలు లభిస్తాయి. ఆహారపు అలవాట్లు మార్చుకోవడం వల్ల పురుషులలో వీర్య కణాల ఉత్పత్తి పెరిగి సంతానోత్పత్తి అవకాశాన్ని మెరుగుపరుస్తుంది. ఆహారంలో ట్రాన్స్ ఫ్యాట్ అధికంగా ఉన్నప్పుడు వీర్యకణాల బలం తక్కువగా ఉంటుందని హార్వర్డ్ యూనివర్శిటీ పరిశోధకుల అధ్యయనం సూచించింది.