ఆధునిక కాలంలో పెరుగుతున్న వాతావరణ కాలుష్యం వల్ల ఆరోగ్య సమస్యలు కూడా పెరుగుున్నాయి.ఈ మధ్య కాలంలో దోమల బెడద మరీ ఎక్కువగా ఉంటుంది. ముఖ్యంగా వానాకాలం వచ్చిందంటే చాలు డెంగ్యూ మలేరియా వంటి రోగాలు తొందరగా వ్యాపిస్తాయి. దోమలను అరికట్టడానికి చాలా మార్గాలు ఉన్నాయి. దోమ తెరలు వాడటం పాత పద్ధతి, సరైన పద్ధతి. ఇప్పుడు ఈ దోమలను అరికట్టడానికి మస్కిటో కాయిల్స్ ఉపయోగిస్తున్నారు. మస్కిటో కాయిల్స్ ఉపయోగించడం వల్ల మన ఆరోగ్యానికి ఎంత ప్రమాదమో ఇప్పుడు మనం తెలుసుకుందాం.
సిగరెట్ పొగ పీల్చడం వల్ల ఎంత ప్రమాదము అందరికీ తెలిసిన విషయమే. కానీ ఒక మస్కిటో కాయిల్ వళ్ల 75 సిగరెట్ల పొగ వెలువడుతుంది. దీనివల్ల మొత్తం ఇంటిల్లిపాది అనారోగ్య సమస్యల బారిన పడతారు. మస్కిటో కాయిల్ నుండి వెలువడే పొగను పీల్చుకోవడం వల్ల శ్వాస సంబంధిత వ్యాధులు తలెత్తుతాయి. ఈ పొగ పీల్చుకోవడం వల్ల ఊపిరితిత్తులు దెబ్బతినే ప్రమాదం ఉంది.
ఇప్పుడు మస్కిటో కాయిల్స్ మాత్రమే కాకుండా దోమల నివారణకు గుడ్ నైట్ ఆల్ అవుట్ వంటివి ఎక్కువగా వినియోగంలో ఉన్నాయి. వీటివల్ల కూడా ఆరోగ్యానికి చాలా ప్రమాదం. మస్కిటో కాయిల్స్ బాగా ఎక్కువగా పీల్చడంవల్ల శ్వాసకోస సంబంధిత ఆరోగ్య సమస్యలు కాకుండా ఆస్తమా వచ్చే ప్రమాదం ఎక్కువగా ఉంది.
దోమల నివారణకు ఇప్పుడు “స్ప్రే” లు కూడా ఉపయోగిస్తున్నారు. వీటిని ఉపయోగించడం వల్ల చర్మ సమస్యలు కూడా తలెత్తుతాయి. మస్కిటో కాల్స్ నుండి వెలువడే పొగను పీల్చడం వల్ల నీరు కారే ప్రమాదం ఉంది. చిన్న పిల్లల దగ్గర ఈ మస్కిటో కాయిల్స్ అస్సలు ఉపయోగించకూడదు.