Gallery

Home News ఊరికో ఆనందయ్య.. 'ఏపీ కరోనా' కొత్త తలనొప్పి.!

ఊరికో ఆనందయ్య.. ‘ఏపీ కరోనా’ కొత్త తలనొప్పి.!

Anandayya Medicine

ప్రపంచ దేశాలు ‘కరోనా వైరస్’కి విరుగుడు కనిపెట్టలేకపోతున్నారు. అత్యవసర వినియోగం కింద కొన్ని వ్యాక్సిన్లు అందుబాటులోకి వచ్చినా, కరోనా సోకినవారికి ఖచ్చితమైన వైద్య చికిత్స కోసం ఇంతవరకు ఎలాంటి మెడిసిన్ కనిపెట్టలేకపోయారు. అయితే, నెల్లూరు జిల్లా కృష్ణపట్నం గ్రామానికి చెందిన ఆనందయ్య మాత్రం తాను తయారు చేసే నాటు మందు, కరోనా వైరస్ మీద బాగా పనిచేస్తుందని అంటున్నాడు.

రకరకాల పరీక్షలు నిర్వహించి, ‘ఆ మందు కరోనా వైరస్ మీద పని చేస్తుందని చెప్పడానికి తగిన ఆధారాల్లేవు. కానీ, దానివల్ల దుష్ప్రభావాల్లేవు గనుక.. మందుని వాడొచ్చు..’ అని రాష్ట్ర ప్రభుత్వం సర్టిఫై చేసింది.. అదీ హైకోర్టు జోక్యంతో. ఇక, అసలు కథ ఆ తర్వాతే మొదలైంది. ఊరూ వాడా ఇప్పుడు ఆనందయ్య పేరుతో నాటు మందు దొరుకుతోంది. ఆనందయ్య ఫార్ములా.. అంటూ స్థానిక నాటు వైద్యులు రకరకాల మూలికలతో మందు తయారు చేసి అడ్డగోలుగా అమ్మేస్తున్నారు.

ఆ మందుని స్థానికంగా వున్న కొందరు రాజకీయ నాయకులు పంపిణీ చేస్తుండడం గమనార్హం. అయితే, నెల్లూరు జిల్లా కృష్ణపట్నంలో మాత్రమే తాను నాటు మందు తయారు చేస్తున్నాననీ, ఇతర ప్రాంతాల్లో తయారవుతున్న మందుకీ తనకూ సంబంధం లేదని ఆనందయ్య చెబుతున్నారు. అంతేనా, అలా ఫేక్ మందుని విక్రయిస్తున్నవారిపై చర్యలు తీసుకోవాలనీ, లేకపోతే తనకు చెడ్డపేరు వస్తుందనీ ఆనందయ్య వ్యాఖ్యానిస్తుండడం గమనార్హం.

అయితే, నాటు మందుకి పేటెంట్ హక్కులుండవు. ఫార్ములా బయటకు వచ్చింది గనుక, ఎవరికి తోచిన రీతిలో వారు తయారు చేసేసుకోవచ్చు. నెల్లూరు జిల్లాతోపాటు, కడప అలాగే చిత్తూరు, తూర్పుగోదావరి జిల్లాల్లో ఆనందయ్య పేరుతో నాటు మందుని.. అధికార పార్టీకి చెందిన నేతలే తయారు చేయించేస్తుండడం పట్ల విమర్శలు వెల్లువెత్తుతున్నాయి.

- Advertisement -

Related Posts

పోరు గడ్డపై ఉప పోరు

ఉద్యమాలకు పుట్టినిల్లు తెలంగాణ. ఉద్యమాల పురిటిగడ్డ కరీంనగర్. తెలంగాణ ప్రత్యేక రాష్ట్ర సాధన కోసం కూడా అప్పట్లో టీఆర్ఎస్ అధినేత కె.చంద్రశేఖర్రావు కూడా కరీంనగర్నే సెంటిమెంట్ జిల్లాగా ఎంచుకున్నాడు. ఇక్కడి నుంచే మలి...

కేంద్ర మంత్రిగా జనసేనాని పవన్ కళ్యాణ్.. అంత సీన్ వుందా.?

గ్రేటర్ హైద్రాబాద్ ఎన్నికల్లో బీజేపీతో పొత్తు పెట్టుకుని అరడజను సీట్లలో పోటీ చేసే అవకాశమూ దక్కించుకోలేకపోయింది జనసేన పార్టీ. బీజేపీ కంటే ఓట్ల శాతం పరంగా మెరుగ్గానే వున్నా, తిరుపతి ఎంపీ టిక్కెట్టుని...

యాక్షన్ షురూ చేసిన సీఎం జగన్ ! త్వరలో ‘RRR’పై వేటు ఖాయం !

గత కొంతకాలం నుండి వైసీపీ పార్టీ, సీఎం జగన్ మీద సొంత పార్టీ ఎంపీ ర‌ఘురామ కృష్ణంరాజు ఎదురుదాడి చేస్తూ ప్రభుత్వాన్ని ఇరకాటంలో పడేస్తున్నారు. ఇంత జరుగుతున్నా అధ్యక్షుడు మిన్నకుండి పోవటంతో నాయకుల,...

Latest News