అక్కినేని అఖిల్ ప్రస్తుతం సురేందర్ రెడ్డి దర్శకత్వంలో ఒక సినిమా చేస్తున్న సంగతి తెలిసిందే. ఇది పూర్తిస్థాయి యాక్షన్ ఎంటెర్టైనర్. తాను స్టోరీ రాసేటప్పుడు తన మనసులో అఖిల్ మాత్రమే ఉన్నాడని, ఆయనలోని మాస్ యాంగిల్ ఇప్పటివరకు ఏ సినిమాలోనూ బయటపడలేదని, కానీ తన సినిమాతో బయటికొస్తుందని చెబుతో సినిమా గురించి, అందులో అఖిల్ పాత్ర గురించి సురేందర్ రెడ్డి భారీ హైప్ ఇచ్చారు. దీంతో అక్కినేని అభిమానుల్లో సినిమా పట్ల విపరీతమైన క్రేజ్ ఏర్పడింది.
ఈ సినిమా ఫస్ట్ లుక్ రేపు ఉదయం 9:09 గంటలకు రిలీజ్ కానుంది. ఏ ఈజ్ రెడీ టూ కిల్, ఎస్ ఈజ్ రెడీ టూ స్టన్ అంటూ ఫస్ట్ లుక్ అనౌన్స్మెంట్ పోస్టర్ ను ఆసక్తికరంగా విడుదల చేశారు. ముంబై మోడల్ సాక్షి వైద్యను ఫైనల్ చేసినట్టు వార్తలొస్తున్నాయి. ఈ చిత్రాన్ని ఏకే ఎంటర్టైన్మెంట్స్, సురేందర్ రెడ్డి సంయుక్తంగా నిర్మిస్తున్నారు. ఇకపోతే అఖిల్ బొమ్మరిల్లు భాస్కర్ దర్శకత్వంలో చేసిన ‘మోస్ట్ ఎలిజిబుల్ బ్యాచ్‌ల‌ర్’ చిత్రం జూన్ 19న విడుదలకు రెడీ అవుతోంది.