Gallery

Home News మోడీ సర్కార్ సెల్ఫ్ గోల్: ఆక్సిజన్ మరణాల్లేకపోవడమేంటి.?

మోడీ సర్కార్ సెల్ఫ్ గోల్: ఆక్సిజన్ మరణాల్లేకపోవడమేంటి.?

Modi 1 | Telugu Rajyam

దేశంలో ఆక్సిజన్ కొరత కారణంగా వేలాది ప్రాణాలు కరోనా సెకెండ్ వేవ్ సమయంలో గాల్లో కలిసిపోయాయి. ఇది జగమెరిగిన సత్యం. ఆక్సిజన్ సమస్య వుంది కాబట్టే, విదేశాల నుంచి యుద్ధ విమానాల ద్వారా, యుద్ధ నౌకల ద్వారా ఆక్సిజన్ ట్యాంకుల్నీ, సిలెండర్లనీ తెప్పించుకోవాల్సి వచ్చింది. దేశ రాజధాని ఢిల్లీ వీధుల్లో.. ఆక్సిజన్ సిలెండర్లను కార్ల పక్కన అమర్చుకుని మరీ కరోనా బాధితులు కొందరు ప్రాణాలు నిలుపుకున్నారు.. కొందరు ఆక్సిజన్ కొరతతో ప్రాణాలు కోల్పోయారు. అక్కడా ఇక్కడా అని లేదు. దేశవ్యాప్తంగా అన్ని రాష్ట్రాల్లోనూ కరోనా సెకెండ్ వేవ్ సమయంలో ఆక్సిజన్ అందక వందలాది మంది వేలాది మంది ప్రాణాలు కోల్పోయారు. స్వచ్ఛంద సంస్థలు, సినీ ప్రముఖులు.. కరోనా బాధితుల కోసం ఆక్సిజన్ సిలెండర్లను అందించేందుకు పడ్డ కష్టం అంతా ఇంతా కాదు. అయినా, కొన్ని ప్రాణాల్ని మాత్రమే కాపాడగలిగారు.

వాస్తవ పరిస్థితి ఇలా వుంటే, కేంద్రం మాత్రం కరోనా సెకెండ్ వేవ్ సమయంలో ఆక్సిజన్ కొరత కారణంగా ఎవరూ మృతి చెందలేదని పార్లమెంటు సాక్షిగా చెప్పడం వివాదాస్పదమవుతోంది. విపక్షాలు కేంద్రం తీరుపై తీవ్రస్థాయిలో మండిపడుతున్నాయి. కేంద్రం మాత్రం, రాష్ట్రాలు పంపిన నివేదికల సమాచారాన్నే తాము వెల్లడించాం తప్ప, అది తమ సొంత లెక్క కాదని చేతులు దులపుకోవడం గమనార్హం. ఏ రాష్ట్రమైనా ఆక్సిజన్ కొరత కారణంగా తమ రాష్ట్రంలో పౌరులెవరూ చనిపోలేదని చెప్పగలదా.? మీడియాలో బోల్డంత ఫుటేజ్ అందుబాటులో వుంది. ఆక్సిజన్ సమస్య దేశంలో ఎలా కరోనా సెకెండ్ వేవ్ సమయంలో వుందో చెప్పడానికి ఆ వీడియోలే నిదర్శనం. మరీ ఇంత బాధ్యతా రాహిత్యమా.? అసలు దేశ ప్రజల పట్ల బాధ్యత వున్నట్లే మోడీ సర్కార్ వ్యవహరిస్తోందా.? బాధ్యత విస్మరించి వ్యవహరిస్తోందా.? అన్న సందేహాలు కలుగుతున్నాయి అందరికీ.

- Advertisement -

Related Posts

పవన్ గురించి రానా ఆసక్తికర కామెంట్స్

ప్రస్తుతం షూటింగ్ జరుపుకుంటున్న 'అయ్యప్పనుమ్ కోషియుమ్' తెలుగు రీమేక్ మీద భారీ క్రేజ్ నెలకొని ఉంది. ఈ మూవీ రెండు పాత్రల మధ్య హై వోల్టేజ్ యాక్షన్ సన్నివేశాలతో నిండి ఉంటుంది. మరి...

కరోనా మూడో వేవ్: కేరళకు ఏమయ్యింది.?

దేశంలోకి మొదట కరోనా వైరస్ ప్రవేశించిందే కేరళ రాష్ట్రం ద్వారానే. చైనా నుంచి వచ్చిన ఓ కేరళ వ్యక్తి కరోనా వైరస్‌ని దేశంలోకి తీసుకొచ్చారు. ఆ తర్వాత దేశంలో కరోనా వైరస్ విస్తరించడానికి...

కేంద్రం కాఠిన్యం: విశాఖ ఉక్కు పరిశ్రమపై వారికి హక్కు లేదా.?

విశాఖపట్నం స్టీల్ ప్లాంట్ విషయమై కేంద్రం రాష్ట్ర హైకోర్టులో అఫిడవిట్ దాఖలు చేసిన సంగతి తెలిసిందే. ఇందులో కేంద్రం పేర్కొన్న అంశాలతో విశాఖ ఉక్కు పరిశ్రమ ఉద్యోగులు, కార్మికులు తీవ్ర అసహనానికి గురవుతున్నారు.....

Latest News