నంద‌మూరి తార‌కరామారావు న‌ట‌వార‌సుడిగా బాలకృష్ణ ఇండ‌స్ట్రీలో త‌న‌కంటూ ప్ర‌త్యేక గుర్తింపు తెచ్చుకున్నారు. ఆయ‌న చేయ‌ని సినిమా లేదు, పోషించ‌ని పాత్ర లేదు. వైవిధ్య‌మైన పాత్ర‌లు చేస్తూ అశేష ప్రేక్ష‌కాద‌ర‌ణ పొందారు బాలయ్య. అయితే సోష‌ల్ మీడియా ప్రాచుర్యంలోకి బాలయ్య యాంటి ఫ్యాన్స్ విప‌రీతంగా ట్రోల్ చేయ‌డం మొద‌లు పెట్టారు. మంచి విష‌యాన్ని కూడా చెడుగా చూపించేందుకు ప్ర‌య‌త్నిస్తున్నారు. తాజాగా జ‌రిగిన ఓ సంఘ‌ట‌నే ఇందుకు ఉదాహ‌ర‌ణ.
రీసెంట్‌గా సెహరి అనే మూవీ ఫస్ట్ లుక్ లాంచ్ చేసేందుకు చీఫ్ గెస్ట్‌గా హాజ‌ర‌య్యాడు బాలయ్య. ఈ కార్య‌క్ర‌మంలో సినిమాని ఎంత ప్రేమించాలి అనే విషయంతో పాటు క‌రోనా వైర‌స్ ఇత‌ర‌త్రా విష‌యాలు చెప్పుకొచ్చాడు. ఓ సంద‌ర్భంలో త‌న ఫోన్ అవ‌త‌లికి విసిరాడు.దీనిపై విప‌రీతంగా ట్రోల్ న‌డుస్తుంది. ఇక ఇదే కాక పోస్టర్ లాంచ్ అప్పుడు సెహ‌రీ మూవీ హీరోని చేతిపై కొట్టాడు. దానికి సంబంధించిన వీడియో సోష‌ల్ మీడియాలో విప‌రీతంగా చ‌క్క‌ర్లు కొట్టడంతో బాల‌య్యని కొంద‌రు దూషించారు. కాని అస‌లు ఏం జ‌రిగింద‌నే విష‌యాన్ని కుర్ర హీరో చెప్పుకొచ్చాడు.
దేవుడు, ఆచారాలు ఎక్కువ‌గా న‌మ్మే బాలయ్య సెహరి సినిమా ఫస్ట్ లుక్ లాంచ్ స‌మ‌యంలో ఆ సినిమా పోస్టర్ ను హీరో ఎడమ చేత్తో పట్టుకోవ‌డంతో అలా ప‌ట్ట‌కోవ‌ద్ద‌ని వారించాడు. అక్క‌డ కొట్ట‌లేద‌ని యంగ్ హీరో చెప్పాడు. కాని యాంటీ ఫ్యాన్స్ దానిని కొట్టిన‌ట్టు చూపించారు. కుడిచేత్తో ప‌ట్టుకోమ‌ని ఇలా అన్నారు అంటూ కుర్ర హీరో స్ప‌ష్టం చేశాడు. విష‌యం తెలిసిన కొంద‌రు సినీ ల‌వ‌ర్స్ కుర్రాళ్ళ‌కు మంచి బుద్దులు నేర్పిస్తున్నావు శ‌భాష్ బాలయ్య.. జై బాలయ్య అంటూ కామెంట్స్ చేస్తున్నారు. ప్ర‌స్తుతం బాలకృష్ణ బీబీ అనే వ‌ర్కింగ్ టైటిల్‌తో సినిమా చేస్తున్నాడు. వ‌చ్చే ఏడాది ఈ చిత్రం విడుద‌ల కానుంది