జబర్దస్త్ షోలో ఎప్పటి నుంచో వెంకీ మంకీ టీం ఉంది. అయితే అందులో ఎన్నో మార్పులు చేర్పులు వచ్చాయి. కొన్ని సార్లు అయితే ఏకంగా అతని టీంకు సంబంధించిన స్కిట్లను కూడా తీసిపారేస్తుంటారు. ఎందుకూ పనికి రాని స్కిట్లుగా తేల్చిపడేస్తుంటారు. వెంకీ మంకీ టీం ఎంత చేసినా కూడా జనాల్లోనూ అంతగా గుర్తింపు తెచ్చుకోలేకపోయింది. కాక పోతే ఈ మధ్య మాత్రం వెంకీ బాగానే కష్టపడుతున్నట్టు కనిపిస్తోంది. అడల్డ్ కంటెంట్, డబుల్ మీనింగ్ డైలాగ్స్, అక్రమ సంబంధాలను ఆధారంగా చేసుకుంటూ వేస్తోన్న స్కిట్లు బాగానే వర్కవుట్ అవుతున్నాయి.

తాజాగా జబర్దస్త్ షో అరుదైన ఫీట్‌ను అందుకుంది. జబర్దస్త్ 400 ఎపిసోడ్‌లను పూర్తి చేసుకుంది. ఈ సందర్భంగా కంటెస్టెంట్లు ఎమోషనల్ అయ్యారు. ఆది తాను పడిన కష్టాలను చెప్పాడు. వెంకీ తనకు ఎదురైన అవమానాలను చెప్పి కంటతడి పెట్టేశాడు. ఇక్కడికి వచ్చాక.. వేలెత్తి చూపుతూ వీడేం మనిషిరా అని ఎంతో మంది అన్నారు.. అలా అన్న ఎంతో మంది ఫ్రెండ్, ఫ్యామిలీ మెంబర్స్ ఇప్పుడు మా వాళ్లు అని చెప్పుకుంటున్నారని ఎమోషనల్ అయ్యాడు.

Venky Monkies EMotional At Jabardasth 400th Episode

ఫస్ట్‌లో బాగా తడబడే వాడిని.. నా టీం ఉంటుందా? లేదా అని అందరూ అనుకునే వారు.. కానీ ఆ సమయంలో మా నాన్న ధైర్యమిచ్చాడు..నువ్ చాలా బాగా చేస్తావ్.. ఎవ్వరినీ పట్టించుకోకు అని చెప్పాడు.. ఈ రోజు నేను సక్సెస్ అయ్యాను.. కానీ అది చూడటానికి మా నాన్న లేడు అంటూ వెంకీ అందరినీ ఎమోషనల్ అయ్యేలా చేశాడు. మొత్తానికి ఈ 400వ ఎపిసోడ్ స్పెషల్‌గా ఉండబోతోందని తెలుస్తోంది. యాంకర్ ప్రదీప్ ఈ ఎపిసోడ్‌లో స్పెషల్ గెస్ట్‌గా ఆది టీంలో కనిపించాడు.