అబ్బ.. ఇది కదా ఆట అంటే. మామూలుగా లేదు బిగ్ బాస్ హౌస్ లో. ఆట చాలా టైట్ అయిపోయింది. ప్రతి నిమిషం ఉత్కంఠగా మారుతోంది. కంటెస్టెంట్లు కూడా ఇప్పుడు ఆచితూచి ఆడాల్సి వస్తోంది. ఊరికే.. గొడవలు పెట్టుకోవడం లేదు. చాలా మెచ్యూర్ అయ్యారు. అప్పటికి ఇప్పటికి చాలా మారిపోయారు. చాలా హుందాగా ప్రవర్తిస్తున్నారు. ప్రస్తుతం హౌస్ లో ఉన్నది ఏడుగురు సభ్యులే.
అందులో అభిజీత్, సోహెల్, హారిక, అవినాష్ మినహా.. మిగితా వాళ్లు నామినేట్ అయ్యారు. అఖిల్, మోనాల్, అరియానా… నామినేషన్లలో ఉన్నారు. ఈ ముగ్గురిలో ఒకరు ఈ వారం బయటికి వెళ్లిపోనున్నారు.
నిజానికి అవినాష్ కూడా నామినేషన్లో ఉండాలి కానీ.. ఇమ్యూనిటీ లభించడం వల్ల బతికి పోయాడు. ఆయనకు ఎవిక్షన్ ఫ్రీ కార్డును బిగ్ బాస్ అందించాడు. అది కూడా రెండు వారాల్లో ఏ వారమైనా ఆ కార్డును ఉపయోగించుకోవచ్చు. దీంతో అవినాష్ ఈ వారం బయటికి వెళ్లడు అనేది కన్ఫమ్ అయింది.
ఇక.. మిగిలింది అఖిల్, అరియానా, మోనల్. అయితే.. ఇక్కడ మనం మోనల్ గురించి మాట్లాడుకోవాలి. ఇన్నిరోజులు అందరూ మోనల్ ను తక్కువ అంచనా వేశారు. కానీ.. ప్రస్తుం మోనల్ చాలా స్ట్రాంగ్ అయింది. మొన్న హారికను కెప్టెన్ ను చేసింది. ఇప్పుడు నామినేషన్లలోనూ తను చాలా బాగా మాట్లాడింది. తన బెస్ట్ ఫ్రెండ్ అఖిల్ తో గొడవ పెట్టేసుకుంది. నామినేషన్ల నుంచి సేవ్ అవ్వడం కోసం చాలా ప్రయత్నించింది. కానీ.. చివరకు హారికకు ఉన్న పవర్ వల్ల అభిజీత్ ప్లేస్ లో మోనల్ నామినేట్ అయింది. అయినా కూడా ప్రస్తుతం తన గ్రాఫ్ పెరిగిపోయింది. ప్రస్తుతం బిగ్ బాస్ హౌస్ లో తను టాప్ లో ఉంది. దీంతో మోనల్ ఈజీగా సేవ్ అయిపోతుంది అని ప్రేక్షకులు అంటున్నారు.
ఇక.. ముక్కుసూటితత్వం ఉన్న అరియానా కూడా ఈ వారం సేవ్ అవుతుందట. తను ఫస్ట్ నుంచి స్ట్రాంగ్ ప్లేయర్. సో.. తనకు ఎటువంటి సమస్య లేదని.. అరియానా టాప్ 5 కంటెస్టెంట్ అని అంటున్నారు.
అంటే.. ఇక మిగిలింది ఒక్క అఖిలే. నిజానికి అఖిల్ కూడా చాలా స్ట్రాంగ్ కంటెస్టెంట్. కానీ.. సీక్రెట్ రూమ్ వెళ్లి వచ్చాక.. అఖిల్ ప్రవర్తనలో చాలా మార్పు వచ్చింది. అందరితోనూ తేడాగా మాట్లాడుతున్నాడు. ఒక్క సోహెల్ తో తప్ప ఎవ్వరితోనూ ఉండటం లేదు. దీంతో… మిగితా ఇంటిసభ్యులంతా అఖిల్ కు యాంటీ అయిపోయారు.
అందులోనూ మోనల్ తో చీటికి మాటికి అఖిల్ పెట్టుకుంటున్న గొడవకు ప్రేక్షకులకు కూడా చిరాకు వస్తోంది. దీంతో అఖిల్ గ్రాఫ్ ఒక్కసారిగా పడిపోయిందట. నిజానికి.. బిగ్ బాస్ హౌస్ లో అఖిల్ టాప్. కానీ.. ప్రస్తుతం అందరి కన్నా చివరల్లోకి వెళ్లిపోయాడట. దీంతో ఈ వారం హౌస్ నుంచి బయటికి వెళ్లేది మరెవరో కాదు అఖిల్ అని సోషల్ మీడియాలో జోరుగా ప్రచారం సాగుతోంది. చూద్దాం మరి… ఈ వారం నిజంగా అఖిల్ ఎలిమినేట్ అవుతాడా? లేదా అని.