ఐపీఎల్ 2025: సన్‌రైజర్స్ హైదరాబాద్‌పై లఖ్‌నవూ సూపర్ జెయింట్స్ అదిరిపోయే విజయాన్ని నమోదు చేసింది. శుక్రవారం జరిగిన మ్యాచ్‌లో హైదరాబాద్ పెట్టిన 191 పరుగుల లక్ష్యాన్ని లఖ్‌నవూ 16.1 ఓవర్లలోనే 5 వికెట్లు కోల్పోయి ఛేదించి సీజన్‌కి బోణీ కొట్టింది. నికోలస్ పూరన్ (70 నాటౌట్; 26 బంతుల్లో 6 ఫోర్లు, 6 సిక్స్‌లు), మిచెల్ మార్ష్ (52; 31 బంతుల్లో 7 ఫోర్లు, 2 సిక్స్‌లు) లఖ్‌నవూను విజయం వైపు నడిపించిన హీరోలుగా నిలిచారు.
ముందుగా టాస్ ఓడి బ్యాటింగ్‌కు దిగిన సన్‌రైజర్స్ హైదరాబాద్ నిర్ణీత 20 ఓవర్లలో 9 వికెట్లు కోల్పోయి 190 పరుగులు చేసింది. ట్రావిస్ హెడ్ (47; 28 బంతుల్లో), అనికేత్ వర్మ (36; 13 బంతుల్లో 4 సిక్స్‌లు), నితీశ్ రెడ్డి (32), క్లాసెన్ (26) నిలకడగా రాణించారు. చివర్లో పాట్ కమిన్స్ 4 బంతుల్లో 3 సిక్స్‌లు కొట్టి 18 పరుగులు చేసి జోరు చూపినా, సన్‌రైజర్స్ స్కోరు చివర్లో తగ్గిపోయింది. లఖ్‌నవూ బౌలర్లలో శార్దూల్ ఠాకూర్ 4 వికెట్లు (4 ఓవర్లలో 34 పరుగులు) తీసి ప్రత్యర్థి బ్యాటింగ్‌ను అడ్డుకున్నాడు.
అతిథిగా బరిలోకి దిగిన లఖ్‌నవూ ప్రారంభంలో రెండు వికెట్లు కోల్పోయినా, మిచెల్ మార్ష్–పూరన్ జోడీ తిరుగులేని భాగస్వామ్యాన్ని నమోదు చేసింది. మార్ష్ హాఫ్ సెంచరీ చేసి ఔటవ్వగా, పూరన్ మాత్రం చివరి వరకు నిలబడి మ్యాచును 16.1 ఓవర్లలో ముగించాడు. చివర్లో అబ్దుల్ సమద్ కూడా 22 పరుగులతో సహకరించాడు. హైదరాబాద్ బౌలర్లలో కమిన్స్ 2, షమీ, జంపా, హర్షల్ తలో వికెట్ తీసినా, విజయం దూరంగా నిలిచింది.
ఈ మ్యాచ్‌తో లఖ్‌నవూ తమ సీజన్‌కి శుభారంభం చేసింది. ఎస్‌ఆర్‌హెచ్ బౌలింగ్ లోపాలను స్పష్టంగా దోచి చెప్పిన ఈ పరాజయం… భవిష్యత్ మ్యాచ్‌ల్లో బౌలింగ్ బ్యాలెన్స్‌పై మళ్లీ ఆలోచించేలా చేస్తుందని విశ్లేషకులు చెబుతున్నారు.
