Chintakayala Vijay: రాజకీయాల్లో హీట్ ఎప్పుడూ తగ్గదు అని ఆంధ్రప్రదేశ్ రాజకీయాలు మరోసారి రుజువు చేస్తున్నాయి. ఇప్పుడు అదే ఉత్కంఠ రాజ్యసభ రేస్ చుట్టూ తిరుగుతోంది. ముఖ్యంగా నారా లోకేష్ కు సన్నిహితుడిగా భావించే చింతకాయల విజయ్ పేరు ముందంజలో ఉందనే చర్చ రాజకీయ వర్గాల్లో తీవ్ర సంచలనం కలిగిస్తోంది. ఇదే మాట ఆ నోటా.. ఈ నోటా చక్కర్లు కొడుతోంది. పార్టీ అంతర్గతంగా సమీకరణాలు, సామాజిక సమతౌల్యం, ప్రాంతీయ ప్రతినిధిత్వం వంటి అంశాలను పరిగణనలోకి తీసుకుంటూ ఎంపిక ప్రక్రియ కొనసాగుతోందని తెలుస్తోంది.
చింతకాయల విజయ్ గతంలో పార్టీ కార్యక్రమాల్లో చురుకైన పాత్ర పోషిస్తూ, నాయకత్వానికి నమ్మకస్థుడిగా విశేష గుర్తింపును పొందారు. ఈ నేపథ్యంలో రాజ్యసభకు ఆయన పేరు ప్రాధాన్యంగా వినిపిస్తోంది. అధికారిక ప్రకటన కోసం రాజకీయ వర్గాలు ఎంతో ఆసక్తిగా ఎదురుచూస్తున్నాయి.
