ముసాఫా ద లయన్ కింగ్ సినిమాకి బాలీవుడ్ సూపర్ స్టార్ షారుక్ ఖాన్ డబ్బింగ్ చెప్పిన సంగతి తెలిసిందే. అంతే కాకుండా షారుక్ ఖాన్ కుమారుడు ఆర్యన్ ఖాన్ సింబాకు డబ్బింగ్ చెప్తే మూసాఫా యొక్క కబ్ వర్షన్ కోసం షారుక్ ఖాన్ చిన్న కొడుకు అబ్రామ్ డబ్బింగ్ చెప్పడం విశేషం. ఇక ముసాఫా క్యారెక్టర్ కి తెలుగులో మహేష్ బాబు డబ్బింగ్ చెప్తే తమిళంలో అర్జున్ దాస్ వాయిస్ ఓవర్ ఇచ్చారు.
ఈ సందర్భంగా షారుక్ ఖాన్ ముసఫా క్యారెక్టర్ ని తన క్యారెక్టర్ తో పోల్చుకుంటూ చేసిన వీడియో ఒకటి డిస్నీ స్టూడియోస్ ఇండియా విడుదల చేసింది. ఈ సినిమా డిసెంబర్ 20న భారతీయ థియేటర్లలో ఇంగ్లీష్, హిందీ, తమిళ మరియు తెలుగు భాషలో విడుదల కాబోతుంది. ఇప్పటికే సినిమాకి సంబంధించిన ప్రమోషన్స్ స్టార్ట్ అయ్యాయి. అయితే ఈ సందర్భంగా షారుక్ ఖాన్ ముసఫా తో తనని పోల్చుకుంటూ చేసిన కామెంట్స్ ఇప్పుడు వైరల్ అవుతున్నాయి.
ఇంతకీ షారుక్ ఖాన్ ఏమన్నాడంటే ముసఫా అడవికి రారాజుగా మారటానికి చేసిన పోరాటాలు పడ్డ కష్టాలు చీకటిని ఎదుర్కొని అతడు రారాజుగా ఎలా మారాడో మీరు చూస్తారు. ముసాఫా జీవిత కథ కూడా తన జీవిత కథలాగే ఉందని, తాను కూడా జీవితంలో ఎదగటానికి రారాజుగా మారటానికి ఎన్నో కష్టాలు అనుభవించానని, ఎన్నో సమస్యలని ఎదుర్కొని ఈ స్థాయికి చేరుకున్నానని చెప్పుకొచ్చాడు.
ఇప్పుడు షారుఖ్ ఖాన్ చేసిన కామెంట్స్ తెగ వైరల్ అవుతున్నాయి టీవీ యాక్టర్ స్థాయి నుంచి బాలీవుడ్ బాద్షాగా ఎదిగిన అతడి ఎదుగుదల చూసినవారికి అతను చెప్పింది నిజమే కదా అనిపిస్తుంది. ఇక ప్రస్తుతం షారుక్ ఖాన్ కింగ్ సినిమా కోసం వర్క్ చేస్తున్నాడు. సుజై ఘోష్ దర్శకత్వం వహించిన ఈ చిత్రం యాక్షన్ త్రిల్లర్ మూవీ. ప్రపంచవ్యాప్తంగా ఈ సినిమా కోసం అభిమానులు ఎదురుచూస్తున్నారు. ఇప్పటికే ఈ సినిమా నుంచి విడుదలైన టైలర్, టీజర్ సినిమాపై మంచి హైప్ ని క్రియేట్ చేసింది.