Nayanthara: నయనతార… ప్రస్తుతం సోషల్ మీడియాలో మారుమోగుతున్న పేర్లలో నయనతార నయనతార పేరు కూడా ఒకటి. గత వారం రోజులుగా నయనతార పేరు సోషల్ మీడియాలో తెగ వైరల్ అవుతున్న విషయం తెలిసిందే. అయితే అందుకు గల కారణం కూడా లేకపోలేదు. ఒకటి తన జీవితాన్ని డాక్యుమెంటరీ రూపంలో విడుదల చేస్తూ ఆ ప్రమోషన్స్ లో బాగా వైరల్ అయింది నయనతార. ఇక రెండవది ధనుష్ తో కాంట్రవర్సీ. ఈ రెండు విషయాలతో సోషల్ మీడియాలో ఎక్కువగా నిలుస్తోంది నయనతార.
నయనతార తాజాగా బియాండ్ ది ఫెయిరీ టేల్ అనే డాక్యుమెంటరీతో ప్రేక్షకులను పలకరించిన విషయం తెలిసిందే. తాజాగా తన 20 ఏళ్ల కెరీర్‌ లో అండగా నిలిచిన వారికి ధన్యవాదాలు చెబుతూ పోస్ట్‌ పెట్టారు. బాలీవుడ్‌లో షారుక్, టాలీవుడ్‌లో చిరంజీవి, రామ్‌ చరణ్‌ లకు కృతజ్ఞతలు తెలిపారు నయన్. ఈ మేరకు నయనతార తన పోస్టులో ఈ విధంగా రాసుకొచ్చింది. నేను పని చేసిన ప్రతి చిత్రానికి నా జీవితంలో ఒక ప్రత్యేకమైన స్థానం ఉంది. సినీ ప్రయాణం లెక్కలేనన్ని ఆనందకరమైన క్షణాలను అందించింది. ఇందులో చాలా సినిమాలు నా మనసుకు దగ్గరయ్యాయి.
ఆ జ్ఞాపకాలను, సన్నివేశాలను మా డాక్యుమెంటరీలో చేర్చాలని నిర్మాతలను సంప్రదించినప్పుడు వారు ఎటువంటి అభ్యంతరాలు తెలపలేదు. వారందరికీ నా హృదయ పూర్వక ధన్యవాదాలు. వీరంతా నాకు అత్యంత విలువైన క్షణాలను అందించారు. వీరందరిపై నాకెంతో గౌరవం ఉంది. నా ప్రయాణం ఇలానే కొనసాగుతుంది అంటూ తనకు సహకరించిన వారికి థ్యాంక్స్‌ తెలిపింది నయనతార. నయనతార పేర్కొన్న పేర్లలో దర్శక నిర్మాతల పేర్లతో పాటు షారుక్ ఖాన్ అలాగే చిరంజీవి ఇంకా కొంతమంది సెలబ్రిటీల పేర్లు కూడా ఉన్నాయి. ఇకపోతే డాక్యుమెంటరీ విషయంలోనే నయనతారపై సోషల్ మీడియాలో కొంతమంది దారుణంగా ట్రోల్స్ చేస్తున్న విషయం తెలిసిందే. ఆమె జీవితానికి సంబంధించిన డాక్యుమెంటరీని ఒక ఓటిటి ప్లాట్ఫార్మ్ కు అమ్మడంపై తీవ్ర స్థాయిలో విమర్శలు గుప్పిస్తున్నారు నెటిజన్స్.. నయనతార చాలా కమర్షియల్ అంటూ కామెంట్లు చేస్తున్నారు.