Don 3: గత కొద్ది రోజులుగా బాలీవుడ్ సినిమా ఇండస్ట్రీలో డాన్ 3 సినిమా సీక్వెల్ కి సంబంధించిన చర్చలు జరుగుతున్న విషయం తెలిసిందే. అంతేకాకుండా ఈ సినిమా త్రీక్వెల్‌ పట్ల ఎన్నో రకాల రూమర్స్ కూడా వినిపించాయి. అంతేకాకుండా ఆ మధ్య ఈ ప్రాజెక్టుకు సంబంధించి అఫీషియల్ అనౌన్స్మెంట్ కూడా ఇచ్చారు. కానీ ఆ తర్వాత ఎలాంటి అప్డేట్ రాకపోవడంతో డాన్ 3 సినిమా ఆగిపోయింది అంటూ ప్రచారాలు కూడా జరిగాయి. అయితే తాజాగా ఈ రూమర్స్ కి చెక్ పెడుతూ మూవీ మేకర్స్ క్లారిటీ ఇచ్చారు. ఈ మేరకు సోషల్ మీడియాలో ఒక పోస్ట్ ని కూడా షేర్ చేశారు. డాన్ 3కి సంబంధించి అఫీషియల్ ఎనౌన్స్‌మెంట్ ఇచ్చిన మేకర్స్ టైటిల్ లోగోతో పాటుగా ఈ సినిమాలో డాన్ పాత్రలో షారూఖ్ ఖాన్ కు బదులుగా మరో హీరో నటిస్తున్నారన్న క్లారిటీ ఇచ్చారు.
దీంతో ఒక్కసారిగా డాన్ అభిమానులు డైలమాలో పడిపోయారు. అమితాబ్ బచ్చన్ తరువాత ఆ రేంజ్‌ లో డాన్ పాత్రకు సూట్ అయ్యారు షారుఖ్ ఖాన్. అందుకే మరే హీరోను ఆ రోల్‌ లో ఊహించుకోలేకపోతున్నారు. అఫీషియల్ ఎనౌన్స్‌మెంట్ తరువాత డాన్ 3 విషయంలో గట్టిగానే ట్రోలింగ్ జరిగింది. జస్ట్ టైటిల్ మాత్రమే రివీల్ చేసినా, షారూఖ్ లేని డాన్ ఫ్రాంచైజీని చూడలేమంటు కామెంట్స్‌ చేశారు ఫ్యాన్స్‌. ఆ తరువాత ఈ ప్రాజెక్ట్‌ కు సంబంధించిన అప్‌డేట్స్ ఏవీ లేకపోవటంతో ఆడియన్స్‌ రెస్పాన్స్‌ను దృష్టిలో పెట్టుకొని డాన్ 3ని పక్కన పెట్టేశారా అన్న డౌట్స్ రెయిజ్ అయ్యాయి.
అయితే తాజాగా ఈ మూవీ విషయంలో మరోసారి క్లారిటీ ఇచ్చారు మేకర్స్. డాన్ 3 పక్కాగా ఉంటుందన్న మేకర్స్, నెక్ట్స్‌ ఇయర్‌ జూన్‌ లో ఈ మూవీ సెట్స్ మీదకు వెళ్లనుందని ఎనౌన్స్ చేశారు. అయితే నయా డాన్, డాన్ 2కి కొనసాగింపే అయినా షారూఖ్ పోషించిన డాన్ పాత్రకు మాత్రం కొనసాగింపు కాదన్నది యూనిట్ వర్షన్‌. డాన్ కథకు ప్యారలల్‌ గా రణవీర్‌ సింగ్ హీరోగా మరో డాన్ రోల్‌ను సృష్టించబోతున్నారు దర్శక నిర్మాత ఫర్హాన్ అక్తర్‌. అంతేకాదు భవిష్యత్తులో షారుఖ్ ని మరోసారి డాన్ రోల్‌లో చూపించే ఛాన్స్ లేకపోలేదన్న హింట్ ఇచ్చారు. దీంతో ఈ విషయం పట్ల అభిమానులు కాస్త ఆందోళన వ్యక్తం చేస్తున్నారు. ఈ విషయంలో మాత్రం అభిమానులకు నిరాశ తప్పేలా కనిపించడం లేదు.