రేణూ దేశాయ్ తాజాగా తన లుక్కును మార్చేసింది. క్యాన్సర్ పేషెంట్ కోసం తన జుట్టును దానం చేసింది. గతంలోనూ ఓ సారి ఇలానే చేసిందట. 2105లో ఓసారి తన జుట్టును దానం చేయగా.. తాజాగా మరోసారి ఇచ్చానని తెలిపింది. అందుకు జట్టు కట్ చేశానని తెలిపింది. అయితే ఈ మేరకు రేణూ దేశాయ్ లైవ్‌లోకి వచ్చింది. తాను ఓ వెబ్ సిరీస్‌కు సైన్ చేశానని, అ ప్రాజెక్ట్ విశేషాలు చెప్పేందుకు లైవ్‌లోకి వచ్చానని పేర్కొంది.
ఈ క్రమంలో లైవ్‌లో ఉన్న రేణూ దేశాయ్‌ను నెటిజన్లు రకరకాల ప్రశ్నలు సంధించారు. చాలా కాలం నుంచి సినిమాల్లో నటించాలని ఎదురు చూశానని అయితే సరైన స్క్రిప్ట్ కోసం వెతుకుతున్నానని వెల్లడించింది. లక్కీగా ఓ అద్భుతమైన స్క్రిప్ట్ దొరికిందని, ఈ వెబ్ సిరీస్‌లో తన పాత్ర కొత్తగా ఉంటుందని పేర్కొంది. ఆ జుట్టు అలా ఎందుకు అయింది? కలర్ ఎందుకు వేశారని కొంతమంది అడిగారు.
క్యాన్సర్ పేషెంట్ కోసం జుట్టు దానం చేశాను. కట్ చేయడం వల్ల చిన్నగా అయిపోయింది. ఇక కొత్త ప్రాజెక్ట్ కోసం ఈ రంగు వేశానని తెలిపింది. ఇది కేవలం ఓ నెల రోజులు మాత్రమేనని తెలిపింది. తాజాగా తన జుట్టుకు రంగు వేసిఉన్న ఫోటోను షేర్ చేయగా అది తెగ వైరల్ అయింది. ఈ ఫోటోకు అదా శర్మ కామెంట్ చేస్తూ.. హాట్ అని పేర్కొంది. ఇక ఈ కామెంట్‌కు రేణూ దేశాయ్ స్పందిస్తూ.. నువ్వే కదా నా గురువు అని పేర్కొంది. ఇక అదా శర్మ ఇలా జుట్టుకు వింత వింత రంగులు వేసుకోవడం అలవాటన్న సంగతి తెలిసిందే కదా.